حمدان والقاسي الأول وبخيتان=
سلام شامل على الجلاس=الكل يوحيه ويشوفه
الكل منكم علم نبراس = والقيل مايخطي حروفه
مشعل وسامي وقابل=
ترحيب ياطيبين الساس = مثل الذهب نقد مصروفه
واللي حضر من وفود وناس =لازم يشارك مع صفوفه
حمدان والقاسي الأول وبخيتان=
تبقون يارافين الرأس =هذي قوانين مألوفه
لاشك يحلا لنا المجلاس=مع المعازيب وضيوفه
مشعل وسامي وقابل=
صوب الهدف لازم المتراس =صياد مضمون مخلوفه
ليل انتحى والفجر نسناس=والوقت غلاب بظروفه
حمدان والقاسي الأول وبخيتان=
اخترتكم من جميع الناس =واسترّ جوف الحشا جوفه
انتم ذهب مادخله نحاس =لو إن الأبيات محفوفه
مشعل وسامي وقابل=
حنا معك ما غشانا نعاس=نسعى سوى البيت ونطوفه
ياللي فشرح المثل مقباس=وحنا نتحراه بحسوفه
حمدان والقاسي الأول وبخيتان=
فالمعرفة والمثل فُراس =نجنيه من عالي قطوفه
حنا لبدع المثل حراس=نقرر البني وسقوفه
مشعل وسامي وقابل=
قلب الشقي يافتى حساس =ماشفت حيٍ به يروفه
اشر خطر دنت الأجراس =واخاف تغديبه حتوفه
حمدان والقاسي الأول وبخيتان=
لاتشغل القلب بالهوجاس =يجلب لك الهم بصنوفه
وانته صقر عندنا قرناس=للعقل حسبات مصفوفه

المشاركة الأصلية كتبت بواسطة فايز المحيسن (المشاركة 571626) الله الله هذا الحن الملكي قمه على قمه والتقاء صفوة الصفوه من شعراء الكسره وابداع من قطع النضير وبيض الله وجيكم يا اساتذت الكسره وبيض الله وجهك استاذي ابومحمد على النقل الرائع