سلام الله على مضحي ابو احمد ولد جمران=حفيد ٍ للرجـال اللـي تنومسهـا فعايلهـا
تحيات الوفا ترسل على شخصه رفيع الشان=صديق ٍ لي وانـا اعـزه معـزه مانمثلهـا
جريح القلب يامضحي على قايد من الغزلان=صويب ٍ بالزروف اللي تفلّت من محايلهـا
تغنّى بالهوى قبلي ابو نايف وابـن شنـان=ولانـي بالوحيـد اللـي معاناتـه يمولهـا
وانا ماهمني حامد ولا حمـدي ولا حمـدان=وانا ماني غشيم اغلط على العالم وازعلهـا

هلا يامرحبا ياخالد بـن عبيـد ياكحيـلان=ليا جتنا الرساله مـن جنابـك مانهملهـا
لاانك ابن عم ومن رجالٍ للوفـاء عنـوان=حميدين السيـر احامـده نذكـر جمايلهـا
عساء ربي يعين اللي سواتك عاشقٍ ولهان=ونار الود في جوفه شبيه الريـم يشعلهـا
وانا ماقول مخطي واحدٍ يدخل معا البيبـان=وخلق الله وراء مقصودها حثت رحايلهـا
تراء ماكل قناصٍ يعـود لاقنـص بسمـان=لوان الصيد يغري راعي البندق وحاملهـا

[table1="width:95%;"]

بدع صقر المراقيب المثل من طيب الالحان = مثايل يوم تبديلك تبيض وجه قايلها
ورد القاف رجل يازن الجابة على الميزان = ابن جمران دايم جابته ماني بجاهلها