قال الذي لا قال قواله يقره=و ما ينكره لا قال قوله و يحميه
من هاجسا باقصى الضماير يفره=يبعد مداهـ بحيرته لين يبكيه
لاسج به باقصى الضماير و مره=يسج بافكار العناء اآه ثم ايه
يبداء مدارات العني من مقره=والله واعلم لاانتهى وين اراضيه
لاطاف جوهـ وانتهاء داج بره=وليا انتهاء يبحر عناء من موانيه
والقلب من زود العنى فيه حره=من حرته مبلي عسي الله يعافيه
والحال لاحقها صلف مع مضره=والدمع ملعون الثواء مير معميه
حال الله اقوى من عليه اتشره=منهو عليه اصلا بسوق المشاريه
علي العقول الضايعه و المدره=والا علي الانذال بشره و اشاكيه
لا والله الا ضيم جرحي ومره=اطيب من اعلاجه مع الناس ياهيه
هاك الصحيح اليا بغيته و طره=باسمي مع العالم اذا جيت تطريه
و راع المثل يا صاحبي لا تبره=وخل المثل ياصاحبي عند راعيه
و هرجا تذراء بالحياء منك ذره=ذره مادام ان الحياء لـك مـذريه
ولاصار ماهو منك خيره وشره=خله علي اللي من له الامر ينهيه
واطلب مفاتيح الفرج و المسره=من عند ربك خالق الكون وادعيه

[table1="width:95%;"]