ياهاجس اشعاري نبي طـرق معسـوف =ومهمـا عسفـت القـاف مابـي كلوفـه
انقـى فرايـد مابهـا ضلـع وسنـوف =وابـدي بــراي ٍ مايجيـبـه نكـوفـه
يـوم الاخـوه بيننـا سلـم مـعـروف =بيـن الحمايـل فـي سلـوم معـروفـه
أمشي بها واضح علـى درب مكشـوف =واللـي مشاهـا ماتجـيـه الحفـوفـه
من محتوى المبداء شعر قافـي يـروف =واللي عنـاه القـاف يحفـظ حروفـه!
أشوف لي ناس ٍ يجي عندهـا ظـروف =وقشر النوايـا هـي سبايـب ظروفـه
عن الطريق المستـوي جابـه صـدوف =الله يـاقـا مــن كثـيـره صـدوفـه
وحبل الضنون المخطيـه فيـه مكتـوف =ورمي البرايا شارب (ن) مـن رشوفـه
كنـه موكـل بالبشـر فيـه مكـلـوف =وغيـره بعيـن الطبـع عينـه تشوفـه
مايدري انـه فـي متاهـات وكهـوف =ويحسب كـل النـاس تدخـل كهوفـه!
عايش مدى عمره على الـذل والخـوف =ودلـوه عـن الجمـات دايـم زلـوفـه
وشمس الضحى بادي على ضوها كسوف =ماينجلـي بدنـيـا حـيـاة الكسـوفـه
والناس فيهـا شـاذ وبالنـاس ملقـوف =وراع الـردى دايـم تجيـه الحسـوفـه
والطيـر الابـرق بالمخاليـب منتـوف =والصايديـن تقـض مـفـرق كتـوفـه
واللي علـي يمـرر الهـرج مايطـوف =يبطـي علـى مثلـي ومثلـه يطـوفـه
اعرف مغازي الهرج من ناظر الشـوف =ولا اجهد بـه التفكيـر ناطـق شفوفـه
وانا عن الهزله تـرى راسـي ينـوف =ونفسي على الطـالات تبقـى شروفـه
وانصحك ياللي واطي الـداب ماتشـوف =الناس تحرق مـن لعـب فـي كفوفـه؟