|
إهدأ وروق وخذلك كــــــــــــاس ( فواز الزويهري & عبد العزيز الزويهري )
السلام عليكم ورحمة الله وبركاته أسعد الله صباكم ومسائكم بكل خير وكل عام وأنتم بخير هذا اللحن جرى قبل ثلاثة أسابيع من اليوم في ضيافة الأستاذ عبد العزيز الزويهري وإليكم ياكرام
فواز الزويهري = سلام ياطيبين الساس =في حلة أهل الكرم والجود أسلاك قلبي تولع ماس =محتاج فني خبير لهود عبد العزيز الزويهري = يامرحبا بسيد الجلاس=اللي من أهل الصفا معدود وقدام لا تاقف الأنفاس =أرسل وتستقبل المردود فواز الزويهري= عساك تبقى لكل الناس=تسعى وتبذل لنا المجهود الوضع ياصاحبي حساس =لي قلب صابه سهم مقصود عبد العزيز الزويهري= من عادتي ما أقبل الإفلاس=حسابي فيه الوفا مرصود وكل شيئ ياصاحبي بقياس=مهما علت فالمباني سدود فواز الزويهري= لولاك فالنايبه قرناس=ماجيك وقلبي غدا موؤود في غفلة الناس صاب الباس=وسط الملا والعباد شهود عبد العزيز الزويهري= إهدأ وروق وخذلك كاس=لازال فيه الأمل معقود والسهم مايرمي بقواس=إلا ووسط البنود بنود فواز الزويهري = كيف العنا فالذي قد داس= جمر الغضا والدوا مفقود ماخطت اليد فالقرطاس=أطلع جبل ما مشيت مهود عبد العزيز الزويهري = هذا الهوى والهوى حساس =يداعب القلب دون قيود لاهو كمنجة ولا مرواس=حتى المودة معاك تسود حبل الوصل لا يجيه الباس=خله على حاله المشدود يجوز لا هبهب النسناس=تلقاه كنه معك مولود |
محاوره رائعه وصحت السنتكم
|
صحت السنتكم والله يـعـطـيـكم الـعـافيـــــــــــة بيض الله وجيهكم |
صح لسانك يالاسد مبدع حتى في رسم الاهات
لحن رائع استمتعنا به بيض الله وجهك.. هذا الهوى والهوى حساس = يداعب القلـب دون قيـود لاهو كمنجـة ولا مـرواس = حتى المودة معـاك تسـود صح لسانك يالانيق على قول العبيدي (ياهو ابداع ) والله يالزواهره شاهدتنا فيكم مجروحه والدليل هذا الابداع والشياطين مصفده كانت وقتها تحيتي وتقديري لكم واعذروني على القصور فالعيد كل عام وانتم بخير |
اي والله يابو خالد ياهو ابدآآآع..
صحت السنتكمآ.. وبيض الله وجهيكمآ.. محآورهـ مجنونه وبعض الجنون فنون.. فوآز ..&.. عبد العزيز يآزوآهره والله كلامكمآ عسل على عسل وشهادتي فيكمآ مجروحه.. اسجل اعجآبي.. ودي وفائق احترآمي.. العبيدي.. |
اقتباس:
ياســــــــــــــلااااام عـلـى الابــــــــــــــــــــــــداااااع الاخ القديرفوازالزويهري واخ الحبيب عبدالعزيزالزويهري كل عام وانتم بخير وعساكم من عواده صحت السنتكم وبيض الله وجيهكم ورفع قدركم وشانكم سلمتم على هذا الابداع الجميل والرائع من بدع وايضا الرد الله يعطيكم الصحه والعافيه تقبل تحياتي وتقديري |
لاهنتم وصح الله السنتكم
تقبلو التقدير والاحترام وفقكم الله |
صحت الالسن مردود جميل جدا استمتعت به دمتم مبدعين ودمت بود |
الله الله الله
لله دركم هذا كله في رمضان واحنا ماندري الله يسامحكم طيب واحد الوووووو ونجيكم لو في الصين ههههههههه عشان نستمتع يعطيكم الف الف الف الف عافية |
ياسلاااااااااااااام عليكم
والله على قولت العبيدي ياهووووووووو أبداع وانا ازيد عليه ياهوووووووووو تميز راقي والله كلاااااام ومعنى ويطرب السامعين وشهادتي فيكم مجرووووووحه يالزواهره ودمتم بحفظ الرحمن |
الساعة الآن 03:06 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir