ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - خسرت مكسبها (http://www.m-harb.net/vb/showthread.php?t=51510)

خسرت مكسبها

ياعابد الدنيا خذتنَي تراحيب =واليوم ياعابد وحيد لحالي
صدقتها يوم أقبلت بالتراغيب=حسبتني فيها من الهم سالي
وشفت العنا منها وشفت التعاجيب=خسرت مكسبها على رأس مالي
مرة توديني ومرة لها اجيب =وإن رحت والا جات فالكل خالي
لعبت معي فالعمر كل اللاعيب=واليوم ياعابد برا الهم حالي
خلت دموعي فوق خدي مساكيب =ماكني الا فاقد أعز غالي
خاويتها منها بجيب المكاسيب=وأصبحت في غربة مع النفس جالي
تاهت بي الخطوة بها والمحاسيب =صار الهدف مجهول والدرب طالي
سكة سفر فيها جميع المتاعيب=ومحملتني بالحمول الثقالي
رحال فيها والهدف دايم يغيب =طالت بي الرحلة وبعد الوصالي
شيبت ياعابد وشفت التعاذيب =من جورها صرت اطعم المُر حالي
عايشتها عمري وعشت التجاريب =مرارها ما تقصره لرجالي
ترفع مقام اللي حوته العذاريب =وتنزل اللي محتمي بالفعالي
اسقت رخوم القوم صفو المشاريب=ويا كم ذلت من كريم السبال
يا كم شفنا فعلها فالأقاريب =وقطعت فيهم وثوق الحبالي

الاخ بخيتان البشري صح لسانك على القصيده والله يكفيك شر الدنيا ويعطيك خيرها ويصرف عنك شرها
تحياتي وتقديري يابو محمد الصديق الوفي والغالي


	صح الله لسانك ولاهنت وسلم فكرك وبنانك دمت برعاية الله وحفظة

صح لسانك اخوي
كلام جميل
الله يعطيك العافيه
/
\

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

كفيت العنا ياخوي بخيتان 00وكلامك طيب ومجمل ومشكور

صح لسانك
..
..
أسجل اعجابي بالقصيدة
..
ويعطيك العافيه ..

الشاعر الراائع
ابو محمد
صح لسانك
قصيده رااائعه وجميله
ابيات حملت كل معااني الابدااع
بيض الله وجهك على هذه الرااااائعه

ننتظر جديد مشاركاتك ...............

اقتباس:

المشاركة الأصلية كتبت بواسطة سعد المحمدي (المشاركة 564765)

حياك الله ياسعد

شرفني مرورك العطر

اقتباس:

المشاركة الأصلية كتبت بواسطة بن فرهود الحربي (المشاركة 564790)


	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ولاهنت