يالايمــي بالبعد دامــه طرالي=ماني مجنب عنه لاصرت ماشور
دامي نويت البعد مابه مجــالي=ان لمت والا يالخوي قلت مــعذور
حان الرحيل وخل عنك الجدالي=العلم واضح يالخوي مابه اكسور
لامن بغيت تشوف وشهي حوالي=انشد وتلـــــقاني مع الناس مذكـور
ولامن بغيت تشوفني بــالوصالي=رقمي معك والبيت ياخوك مخبور
والا انا ياصاحبي بنهض ارحالي=برحل مادام الوضع طيب ومستور
برحل مادام البعد بالوقت فالــي=ومافيه عشرهـ بالفلك مالـها طــور
برحل بكيفي لجل يرتــاح بالـي=قدام لا تصلاهـ بقعاء علي الجور
بصرفي ولابصروف سود اليالي=وبامري قبل يامر بها حظي البــور
و المر لو لا المر مـا قـيـل حالي=و لو لا الظلام ووحشته وشهو النور
لا صار الاول مرتبط دوم بالتالي=و هـــذي تواليها لفت تلـــعب الـــدور

المشاركة الأصلية كتبت بواسطة الحب الباقي (المشاركة 561825) يابن العم قصائدك باهذي الطريقه ليس لها طعم مالم نتعرف على شخصك الكريم وصح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة صاحب المعالي (المشاركة 561878) كفو ياشاعر بني عمر صح لسانك على هذه الرائعه التي لا تستغرب على شخصك الكريم والف شكرا

المشاركة الأصلية كتبت بواسطة بخيتان البشري (المشاركة 561899) كفو ياشاعر بني عمر صح لسانك على هذه الرائعه وياليت تدعم هذه الدرر بمعرفة شخصك الكريم بيض الله وجهك