النـور مـن رب السمـوات تنزيـل=والمرجله بيـرن طويـل ٍ رشاهـا
وخصوبهـن ياسايقيـن الفناجـيـل=إرجـال يشكـر بالمواقـف ثناهـا
خصوبهن شقران لو يزعـل الفيـل=الحـق تعطـى كـل لحيـه جزاهـا
ويالمرشديـن ويالغـزاة المجاميـل=وش فرق غيض انفوسكم من رضاها
الكبـر للفـرد الصمـد يابهالـيـل=اللي نزل قوله علـى صـدر طاهـا
قادر ولا يطلع علـى قدرتـه حيـل=اللي رفع سمك السماء عن وطاهـا
وأنتم خدم خـدام جيـل ٍ بعـد جيـل=وكل النوامـي طلعهـا مـن ذراهـا
لاباس مثل النـاس مامـن تنافيـل=وزود النفوس الطايشه من خطاهـا
ومـر الليالـي للنشامـا مكايـيـل=قـدم الربيـع اليـا تكـدر صفاهـا
وبقعـا مقيمـه والليالـي مقابيـل=وانته تشوف وشوف عينـك مراهـا
يامير حرب وياذراهـم عـن الميـل=يوم السنيـن السـود دارت رحاهـا
كـل النهـار وماتقـدم مـن الليـل=انجورهـم يجـذب عليهـا انـداهـا
الهيـل تطلـع حبتـه مثلهـا هيـل=يالله عسى البـذره سبلهـا كماهـا
ومدح ٍ بلا شاهد خطا مثـل ماقيـل=وانا مزكـي جابتـي عـن عداهـا
ولا اقوله اقصد مال ياشاطـي النيـل=قصدي عرف عراف ماقصد عطاهـا
يامير حدوا نشرنـا مـع مصاقيـل=مستظهرين نشورنـا عـن سواهـا
ونـب الكبـار يوصلـون التفاصيـل=واقصـى نظرهـا ماتعـدا عشاهـا
واخترت عنه اللي يسـوق الهماليـل=وربك يبي يقضـي لزومـي بلاهـا
واشكي لكم شكوى قليـل المداخيـل=والسالفـه مانـي علـى مستواهـا
ونصيت قبل أنصاك عـدة رجاجيـل=ورجـال تنعتنـي رجـال ٍ وراهــا
ورجال تجهد مار مامـن محاصيـل=اليـا مـلا دلـوه خصيمـه كفاهـا
ولاهي كثير ان شلت عن مثلي الشيل=هذي طبوع جدودكـم مـن وفاها