ياليـــــــــل ياليل السعد ليلن لفا فـــــــيه الأمير = كـــــــل البقوم يرحبــــــــون إكبارها وإصغارها
ترحيبتن تضفي على الراس الكبير مع الصغير = فالحـــــــــــفله اللي نور جيتكـــــم تزيد أنوارها

يالـــــــــــــيل ياليل السعد مبروك والدنيا بخير = يازينــــــــها لاحضر ما بين الرجــــــــال إخيارها
يقلون بن جرشان جاب الثوب الأول والأخــــير = يبا يســـــــوق الطايره قبلــــــــــي وأنا طيارها

والله ياصـــــــياف تال الوقت مدري وش يصير = لاكـــــــــــن دور سكـــــــتن صوب الخلا تختارها
جسمك نشــــاش ولاتحل ....... الليل المصير = والعلــــــم من ..... البــــــــقوم وحاضره شعارها

عشـــره سلوك مجهزه وأخيرها سلك الحرير = وأنته تروح إيميـــــــنها ولاتــــروح يســـــــارها
مالك ومال الجســـــم دور للسوالف علم غير = أحرص على مدخالها لو ينكــــــشف مظهارها

وشلــــــــون ياصياف بو كبدن كما كبد البعير = تبغا تحــــــــــــوش السالفه حتى يطير إغبارها
إن كان عندك شخص دور من شبابه لك شوير = ولا كسرت الساعه اللي ماضبطت إعيارها

إن شــفت عندك علم يفرح خاطري جيتك مغير = نبا نحــــــــرك عيبة التمـــــره ويطــــلع فارها
مشيك مثل مشي العما وأنته قبل ساعه بصير = ماتدري إن الزمــــــل قبلك نوخت بأزوارها

العلــــــم عندي علم والسيره ليا سرنا تسير = والحــــــوته اللي فالسواحل عندنا شنكارها
ياالطيب اللي لك ثمان سنين مقفن بالمطير = لد النــــــظر فوق العباد اللي تعرف أسرارها

إن طعتني لاتقرب أطراف الرحا اللي تستدير = واللــي يعرف الحوته يعلقك في مسمارها
أنت ياراع الغـــــنم عطنا معك سمن ومضير = أضـــــــــن بن جرشان يجرشـــها وينفخ نارها

.............................................................. = لاكـــــــن زر البذله اللــي ماتــزر إزرارها
تبغا تفــر إمن الحديده مير ماحاصل فرير = أما المواشي خلها بكره تجيك أخبارها

الظاهر إنك نمت يوم وطحت من فوق السرير = غفلــــــت يوم ونومة الغفله ياكثر أخطارها

[table1="width:95%;"]