ملتقى قبيلة حرب الرسمي - محاورة بين الشاعرين : ناصر الحويمضي و عيد سمير

نـاصر الحويمضي

في حفلة اهل الكرم والعز اقول السلام = سلام معروف قدره واضحن منزله
والثانيه يالمزيني جعل حالك تمــام =ناصريلد النظر قدام لا لاولــه

عيـــد سمير

يامرحبا ياهلا ترحيب مابه كلام = لاصار عندك عمل لاغـــــد لا تجله
عيد المــــــزيني بخير ولا يجيه الملام = ياناصــر اعرف كــــلامه وافهم الاسئله

الحويـمضي

الله يديم الامــن باالمملكه كل عام = والصقر يشويه يبن سمــير من يجهله
احدن يريد الجمل وحدن نظر لاسنام = وكلن بدرب الحياء يبغى يسوق اجمله

عيـــــــد

ان كان به عالمن مايفهمون النظام= اشهار مفتوح يالرجال لمهبله
انته جمل للحمل لو منته هديب شام= وانا لاجيت الجمل ملزم احمله

الحويمضي

من لامنا ياولد يبا يجيه الملام = اشهـــار مفتوح والليله تبى تدخله
حنا نعرف الصقر ونعرف طير الحمام= واللي يختل العرب جينا نبا نختله

عــيــد

الظاهر انك تدور للمشاكل شمام = ارماحنا امسننه وسيوفنا مصقله
قدام يبكن عليك معلاقات الزمام = لاتقرب الكهربه وتثور القبلــــه

الحويمضي

ياعيـد ياعيــد شوف الطير بالجو حام= والحر الاشقر نشوفه طاح بالمحبله
المحترم قالوانه يفرض الاحترام = ياعيد لاوالله الا كبرت المشكـــــله

عـيــد

لاعل دارك يسقيها حقوق الغمام = كله على شان قدرك والـغـــلا والوله
ياخف وزن القطن ياثقل وزن الجرام = الظاهر انك شوي اتجيبها مطبله

الحويمضي

اي والله اني حشيم ومن رجالن حشام = ارتاح ياعيد قدم اربطك بالسلسله
ياعيد هد الدعاوي لا علي الحرام = لضحك عليك العرب ونزلك في منزله