ايه افتخر واجيب قاف جزايله =ناموس يرفعني بعالي مثايله
مثايل من غبة البحر طالعه =جواهر دايم على الجزل نايله
ايه افتخر والشعر مني غزايزه =وردت عده واحتوني جزايله
جيته على صفرا من الخيل نادرة= لكل عليا بعزمها دوم طايله
صدرت من عنده عطاني فرايده= وبرق الشعر ضلت عيوني تخايله
وامطر على داري وهاضت مشاعري= وبنيت قافي بالعلا عن هزايله
واليوم ياهجسي تعالن بجزلكن = ابكتب المطلوب والصدق قايله
انا عياضي لابتي منبع الفخر = سلايل اللي ماتعدد خصايله
عياض جدي منبع الطيب والكرم = من روس عمر اللي كبار حمايله
لابه لنا بالمجد فعل دلايله = انّاعلى عـد الفـخر مـن اوايله
بقول وفعل ومصقل من فعايله = روس الشيوخ اللي للاطماع شايله
جونا طمع والحرب شبت بنارها = بيوم عبوس ماجرى من هوايله
بساعة يشيب الراس من كبر هولها = حريبنا فيها توقد غلايله
كم عقيد راح من حد سيفنا= وخابت رجاوي من تسيّد قبايله
وشيل الدخل ثنتين بالوجه ماقفه = شلنا الحمل يوم الفعل له دلايله
وامن الدخيل ونام في ظل بيتنا = واللي يبي ثاره تعدد فشايله
يبا يتقاضى مير دونه وجيهنا = ترخي بعزمه والفشل من حصايله
وهذي فعايلنا على اللين والقسا = حنا السباع الللي للامجاد نايله
بدر القويضي العياضي=