الله علـى اللـي لا مشـى لــه عجـاجـي=مـاسـامـه شـريـطـي ولا جـــاه دوّاج
وارد مــن اليـابـان صـنـع الخـواجـي= ((فكسار)) يشدى بالنظر لون الأمواج
لا دقّ سـلـفـه يـبـرقـن الـبـواجــي=ومحركـاتـه لا أشتـغـل مـالـه أزعــاج
وبساتـمـه تـرقـص فــرح وأبتهـاجـي=مثـل الـعـذارى لأحـظـرن حفـلـة زواج
و قــراح شكمـانـه ولا هــو هـمـاجـي=شكمانهـا كـنـك عـلـى جــال هــدّاج
ورزيـن فـي مشيـه ولا هــو خمـاجـي=وإليـا أنطلـق كنّـك علـى فـرخ مـيـراج
و لـلأرض تسمـع مـن تحـتـه أرتجـاجـي=وله فـي صميـم الأرض مسـرى ومسهـاج
يتوق شوف الرجم توق المناجي=لاشاف عنتر خد عبله والأوداج
مـاطـب مثـلـه ســوق والا قـراجــي=ولا دورجــه تـاجــر ولا جـــاه درّاج
مركوب من رايه للأرياء علاجي=ولا يركبه لاش ٍ ولد لاش هلباج
إنتـاج فطـس خـشـوم هــذا النتـاجـي=يـا مــرذل المنـتـج ويانـعـم الإنـتـاج
هـذا هــو المـنـوه وغـايـة مـزاجـي=منـوة سجيـن ٍ ينتظـر شـمـس الإفــراج

المشاركة الأصلية كتبت بواسطة عبدالمحسن الحربي (المشاركة 51150) هلا بك يا ناصر العوفي اهلا بحضورك الجميل ولكن انا عبد المحسن العوفي الحربي هلابك مره اخرى