ياجابر المكسور تجبر عزانـا = يومن لوعات الليالـي فجنـا
خيم وغيم واعتلا في سمانـا= حزن الفراق اللي داهته دهنـا
عز الله ان الموت زار ورزانا = قفا على اللي ينطح الثقل عنـا
اللي مضى لوغاب عينه ورانا = واليوم حبل الياس دونه تثنـا
اليوم كف ايديه واطلق رشانا = ماكن ابو شلاح قـدا ضعنـا
مرحوم يازبن الضهيد وحجانا = ياطيب الرفقه زبـون المجنـا
يامن فراقه كل قصوا قصانـا = روحن نزت وعظامه اللي دفنا
ياماعلينهنه وقف فـي نحانـا= وياما وقف من دونا واحتضنا
وليانصاه محاوجـن ماتوانـا = لياجاه طلاب الجـدى ماتونـا
كم واحدن جوه لنجاته حزانـا = ادرك نجاته والحقـه ماتمنـا
كم ضعيفن حـل دينـه تدانـا =حل وبرك مثل البعير المثنـا
بقياد عكفان الشـوارب يمانـا= فكه وقال بنـوم عينـك تهنـا
حنا لمن شد الرحال ونصانـا = بالمال مانبخل على من زبنـا
على النقى والجود نبتت لحانا = وعند القبايل تلقى الاخبارعنـا