ياطلاب شكل الإجازة طويلة!!!!
 

بسم الله الرحمن الرحيم

فيه أخبار عن الدراسة انها سوف تؤجل , ولن يعلن التأجيل إلا قبل الدراسة بأيام,


بس ترى بياكلونها بعدين يعني بيدرسون برمضان السنة الجاية.:00076::0746:



كفانا الله وإياهم شر الأمراض والفتن

حيا الله يامريع العييل

الله يسمع منك ويبشرك بالخير ودنا باجازه وخل السنه الجايه برزقها 00

والله اننا في مكه المكرمه نعيش في حال و قلق على الاطفال والزحام والمعتمرين كل يوم في زياده مع الشهر

الكريم وبعده مباشرة موسم الحج وحنا الله يلطف بنا 00

الحمدلله نسال الله الحمايه لنا ولكم والله يكتب مافيه الخير0

حياك الله يامريع العييل .. ياسلام لو يثبت هالخبر :eek:


والله بالحقيقه ان ثبت هالخبر فهو خبر شين زين ..


تنشدني وتقول وشلون زين شين اقولك انا :


زين لانه مابه كلام الكل يعرف طعم الاجازه اللذيذ مهما تظاهر بعض الناس بالجديه والاهتمام الا ان قلبه رايح بها مع الاجازه :0726:


وشين ان السبب بالاجازه ماهو طرب لاوالله السبب مرض انتشر بالناس وينتشر بسرعه كفانا الله واياكم ضرره وزيارته الثقيله ...


عسى الله ان يرزقنا اجازه مفيده ونافعة ويكفينا شر اجازه كلها ترقب وتوجس وتصير اجازه مالها طعم ولا لون ولا رائحة ...

وختاما فان الدنيا مطبوعه على الاكدار والامراض والكبد والتعب ( ولقد خلقنا الانسان في كبد )

قال تعالى ( ومن يتوكل على الله فهو حسبه )

والامراض خير وكفاره للمؤمن وشر وبلاء على المنافق والكافر فالحمد لله في حال المرض والحمد لله في حال العافيه فان ابتلانا الله فلطالما عافانا فلله الحمد..


وربنا سبحانه هو احب الينا من ان نسخط عليه ...


شكرا يامريع وعسى الاجازه ممتده سنين سرمديه وكلها سعاده وفله ووناسة ..


ياخووي احب الاجازات :0746:

هلا ياخالد , الله يحميكم ويحمينا من شر الأمراض , والمكتوب ماعنه مهروب , توكل على الله يابن العم.

طول بالك ياخالد اللهيبي والله اني اعرف ان الوضع به صعوبه شوين لكن تحصن بالله تعالى بالمداومة على اذكار الصباح والمساء وحصن اهلك لاسيما الصغار منهم فقد كان النبي صلى الله عليه وسلم يجمع الحسن والحسين ويعوذهما وينفث عليهما وايضا ان رايت مبتلى بهذا الداء فقل الحمد لله الذي عافاني مما ابتلاك به وفضلني على كثير ممن خلق تفضيلا فباذن الله لن يصيبك مااصابه ..


الله يعينك ويكتب لك الاجر على صبرك فان مكه والمدينه مظنه الاصابه بالمرض لكثرة الوافدين ومن يتوكل على الله فهو حسبه ومن يصبر فهو خير للصابرين والحمد لله المرض هذا له علاج متوفر وقد شفي الكثيرون منه عساك ماتحتاج اليه ابدا لا انت ولا من يعز عليك ...

أبو مشهور تحب الإجازات هاه :0746:, على فكرة ماراح يقولون الدراسة بعد الحج مثلاً , راح يقولون أجلنا المدرسة اسبوع بس وبعد الأسبوع يقولون أجلناها:00076: يومين:00076: وبعد اليومين يقولون أجلناها يوم:00076: وعلى كذا تسحيب بخلق الله,ههههههههههه
والله يابو مشهور ودي إنها سرمديه لاكن ماهي بالكيف يابن العم :00076:هههههههههههه ورانا حساب وعقاب ,,,,,,
أتمنى من الله العلي القدير أن يحمينا ويحمي المسلمين من كل سوء وشر,,, وإذا ملزم على الإجازة بالحيل الله يعيني أجيب لك إجازة من الأردن بقروش هههههههههههه:00076::00076:

تسحيب بعباد الله كل شوي اجلناها اسبوع ويومين هههههههههههههههههههههههههههههههه


ياشيناها شيناه اجل ..


وقتها بس اسمع للمخرفين المهايطيه اللي يحبون الحكي كل واحد يجيب اشاعة من عنده ..

اللي يقول الاجازه مددوها ثمانيه شهور وانه قابل وزير الصحه وقال له هالحكي .... طـــيــــط ...

ويجيك الثاني يمشي ميتين يرد عليه ومسوي نفسه الدكتور فهمان ويقول له انا متصل امس على وزارة التربيه وقال لي الوزير ان الوضع تحت الدراسه .... طــــــااااطــ ...


وبس اسمع من من هالعلوم اللي كلها خررررررررررررررررررررررررررررررررررررط وحب تصدر المجالس بالخثرايق .


بخصوص اجازه الاردن شكرا لك يابن العم لكن قرووش مافيييييييه

<<<<<<<< طفراااااااان من البشكه اللي تشحن الجوال بعشره ريال

للتنوية ان المدارس لم تلغي

قطرات الندى ,,, اهلا وسهلا

والله الأمر جداً خطير كما يقال .. نتمنى من الله ان يحمينا من كل شر