يامن له سبوع وإلا أكثر على بالي=فارض حضوره وفكري مالكه كله
رجعتني للغزل والمرقب العالي=ويامل قلبٍ هواء ترف القدم تله
يوم ابتدى منك ما يغني عن المالي=ويوم انتهاء فيك مايفتن هل المله
شلال ليل وسناء صبح وجمر صالي=وجسمن مثل طلقة البلجيك تنظرله
خلاني اقول واوجدي وعـــــــزالي=ماهو رداء حظ بس ظروفنا علـه
خلت اكبار الهقاوي تحسد الشالي=الي حجب طلتك ياحي هـــــــاطلـه
ماهي ابطلت سماح انور وبسكالي=طلت هنوفٍ فبوها تكـــــثر القلـــــه
هذا انت يالعيطموس المترف السالي=هذا انت ولا تراء الباقين لابلـــــــه
لاكن دقايق عليه واسمع التــــــالي=ان اقنعك زين ون مايعجبك خلــــــــه
الصدق ماتنحجب شمسه بغربالي=ونا بقول الصحيح بدقـــــــه وجلـــــه
غــــلاك جاوز غلاء من قلتله غالي=الا غلاء والدي وحب عبـــــــــدالله
وان كان جاوتهم ماني بــرجالي=وحرام ماستاهل اقلط على الدلـــــه
هذا الحقيقه وزبدة كل الاقوالي=ونته مخير تعقد الحـبل وتحــــــــــــله
لاكن توكل على الله ونت في بالي=ان جيت حياك ون ودعت معك الله