أبن بخيت قال وأسمه بخيتان= اعوذ بك يالله من كل شيطان
علوم راعيها على الطيب شفقان= يقولها للي على الطيب يقدون
لولاني أكتب لأجل اهون عليه = والله ماكتب فالشعر لو بليه
حتى ولو فالناس له قابليه= ما همني فالناس مهما يقولون
أكتب ليا شفت الفكر في شتاتي= أبيات شعر(ن)مثل سكر نباتي
وبحور شعري دايمٍ والماتي= والناس عن خافي بعضها يتيهون
بذات لانفسي من الحال ضاقت= والأ خطيت وخطوتي بي تاهت
وياكم نفس(ن)طيب العيش عافت= ادري بنفسي والعرب كيف يدرون
أكتب واسلي خاطري لو بألابيات = ورسم خطوط(ن) في حياتي عريضات
ولاني بمتحسف على كل مافات= ماني من اللي للمخاليق يشكون
الوقت ذقنا فيه حلوه ومره= والحظ ما يصفي لنا كل مره
ولا له حبل فاليد حتى نجره = نمشي وكم ناس(ن)على الأرض يمشون
ومحتار فسنين(ن) توالى علينا= والبعض فيها ما يعرفون دينا
ماغير لاالدنيا سوى قايمينا= ماكنهم بكرة عليها يموتون
المال شاغلهم وحب التباهي= والكل منهم فالمتاهات لاهي
حتي الربا ماعاد عنه تناهي= ولاعاد فوعود الرجاجيل يوفون
وشباب ضايع واحسافى عليهم= الغرب عنا بالفكر محتويهم
نشقى ومانملك سهل في يديهم= يأهل العقول الواعية لاتلومون
الله يهديهم لحسن التدابير= ونشوفهم يم المساجد مسايير
ويوفق الأمة على طاعه وخير= ادعو معي يااللي من الله تخافون
هذا وياكم باقي(ن)ماذكرته= موضوعنا موضوع بس اختصرته
ويالادمي كسرك ليا ماجبرته= يبقى وتبقى به مع الناس مرهون
وأنا في ديني كم قصرت قصرت= وياكم من ذنبي ندمت وتحسرت
وياما وياما في ذنوبي تفكرت= يالله عفوك يوم عني يقفون
واختم كلامي بالكلام الحسيني= صلوا على المختار يالسامعيني
عداد ماينطق بها المسلميني = قصدي وفاء ياللي على الطيب توفون

المشاركة الأصلية كتبت بواسطة الحب الباقي (المشاركة 550997) صح لسانك مليون ياسلام ياسلام ياسلام رائع يابخيتان والله يـعـطـيـك الـعـافيـــــــــــة بيض الله وجهك

صح لسانك وسلم بنانك

رائعه وبيض الله وجهك


ويعطيك العافيه

المشاركة الأصلية كتبت بواسطة سعد المحمدي (المشاركة 551028) شاعرنا الجزل بخيتان البشري ياعزيزي انت مبدع في كل المجالات الله يبيض وجهك على القصيده الجزله وخلاقك العاليه الله يبلغك شهر رمضان ويعينك على صيامه وقيامه ويمدك بالصحه والعافيه

المشاركة الأصلية كتبت بواسطة ســعود (المشاركة 551038) صح لسانك بيض الله وجهك نص جميل من شاعر رائع