= وكالة يقولون
حرام تهجرني بسبة وشاية = وتسمع كلام اللي على الناس يحكون
تعال واسمع قصتي للنهاية = لا تجعل المصدر وكالة يقولون
إن كنت مخطي قوللي وش خطايه= يمكن خطيت وكلها الناس يخطون
ون كان ماعندي خطا يا هنايه = ليه انظلم وانتم عن الود تدرون
ما تدري انك يا حياتي بلايه = ما تدري اني بك مولع ومجنون
ما تدري انك فالحقيقة منايه = ما تدري اني من سبايبك مفتون
ما تدري ان الهجر زوّد عناية = ما تدري اني صرت من دون في دون
تعال وانظر مسكنك في حشايه = لك منزل (ن) في داخل القلب مصيون
تعال ولا ّ خلني في شقايه = اقضي حياتي كلها هم وحزون
ون مت طالبكم تجي في عزايه= وتكتب على قبري من الحب مدفون
=شعر / ضيف الله البدراني (أبووليد)

المشاركة الأصلية كتبت بواسطة البلادي الحربي (المشاركة 550281) صح لسااانك قصيده جزله من شاعر جزل بيض الله وجهك لا ع دمناك

المشاركة الأصلية كتبت بواسطة بخيتان البشري (المشاركة 550285) صح اللسانك يابوليد وبيض الله وجهك

المشاركة الأصلية كتبت بواسطة الحب الباقي (المشاركة 550352) صح لسانك على القصيده الجزله الله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 550441) ابو وليد البدراني صح لسانك