=عمنا الرحال
ياحرف تبعث لك حروفى=سلام مثل العسل صافيه
من ود مكنون فى جوفى=صغته بشوقى على قافيه
=بن قابل
يامرحبا ليتهـا توفـي=والود بالشوق لك نبديه
معاك ماتّجمل وصوفي=والطّيب اهل الوفا تغليه
=عمنا الرحال
مايوم فيك اختلف عرفى=وعذب النبا منك متحريه
يامن معاك المثل يشفى=ابغى معاك انتقى حاليه
=بن قابل
بمقابلك يفتخر حرفـي=وهذا الذي كنت متمنيه
بين لنا بعض ماتخفـي=ولابان ناخذ ونعطي فيه
=عمنا الرحال
عزيز دمعه ذرف طرفى=على الغرام الذى يبكيـه
أناظره واصفـق بكفـى=وااعزى الطرف واواسيه
=بن قابل
صرفك وصل واستمع صرفي=فالواقع اللـي لنـا تشكيـه
مااظـن كثـر البكـا يكفـي=ابحث سببهـا قبـل تنعيـه
=عمنا الرحال
البحث مانى عنه مقفى=زمان ياصاح متقفيـه
عيا يجى قود ويصفى=ويسير باللى انا باغيه
=بن قابل
مريض مااظـن متوفـي=غرامك اللي زعل ماضيه
لا تقول عيـا ولاتنفـي=لأن بعض الدوا يحييـه
=عمنا الرحال
شاكر لك الذوق واللطفى=وشرواك لعلنـى مبكيـه
ابغى اتصبر على ولفـى=ودرب الوفى للغرام امشيه
=بن قابل
مادمت بالصبر مستكفي=الان خذ فالمثل توجيـه
الحال واضح ماهو مخفي=والحي له عقل ويقديـه
نوفي ياعايش ونستوفي=لابد نشرف على واديـه
عن سيئـه لازم نقّفـي=ونقبل على طيبه ونجيه
=صحت السنتكم