بسم الااله المنفرد في صفاته = اللي خلق دنيا تجدد عبرهــا
ابدا كلام عارف سابقـــاته = وأوآخره عند المقرر خبرها
ابا اشرحه في سيته واحسناته = من غير ذكر امور الله سترها
واسند على نايف واخصّه بذاته =آخذ معه واعطي بامور يخبرها
يابوطلال العلم فيه التفــاته = راجع حساباتك وعدّل صورها
يا لطيب اللي ماتزعزع ثباته = ترى العقول اليوم تسبق نظرها
العلم خلّه في محلّه وهاته = وليا حضرت المشكله لاتحضرها
ولا تأخذ الدنيا بعنف وشماته = اليا كسرها فلان ربك جبــرها
وان شفت رجال تلحف عباته = خلّه ونفسك عزّها لاتحشــرها
ومن دار لك ظهره وغير مباته= لاتناقشه مادام رجله قصرهـا
الرجل يالطيّب عيونه مراته = اشياءتجيك بضر جنّب ضررها
وترى المصلي ماتفيدك صلاته= لوحاول ان الطايله يحتكرهــا
وكم طيب بعض المواضيع فاتـه= الله يعمر الدار واللي عمــرها
الرجل تعرف سيرته من سماته = ولاتقيّم وجيه الرجال بشعـرها
كل رضي ممشاه ومواصفاته = والناس في بعض الامور تعذرها
الا الذي يهوي عليك بحصاته = ذا عقّبه يمناه لين تعسرها
والشي دايم لذته في طــرا ته= واهل العقول اليوم تاخذ حذرها
وصات من هو مخلص في وصاته= فكّربامورك والدروب اختبرها

يا لطيب اللي ماتزعـزع ثباتـه
ترى العقول اليوم تسبق نظرهـا
العلم خلّـه فـي محلّـه وهاتـه
وليا حضرت المشكله لاتحضرها
ولا تأخذ الدنيا بعنـف وشماتـه
اليا كسرها فلان ربـك جبرهـا
وان شفت رجال تلحـف عباتـه
خلّه ونفسك عزّهـا لاتحشرهـا
ومن دار لك ظهره وغير مباتـه
لاتناقشه مادام رجلـه قصرهـا
الرجل يالطيّـب عيونـه مراتـه
اشياءتجيك بضر جنّب ضررهـا

صح لسانك يابو خالد قصيدة تحمل الكثير من الحكمة والنصح والارشاد
بمثل هذا البيان يتميّز الملتقى
سجل اعجابي بكل ماتخط يمينك لاعدمتك

كلٍ رضي ممشـاه ومواصفاتـه=والناس في بعض الامور تعذرها
الا الذي يهوي عليـك بحصاتـه=ذا عقّبه يمنـاه ليـن تعسرهـا
والشي دايم لذته فـي طـرا تـه=واهل العقول اليوم تاخذ حذرهـا