مانطيع الا العزيز فالسجود وفالركوع=في طريق المصطفى النبي اللي شفيع
كالسراط المستقيم لانلف ولانتوع= بالامانه والنقى لانزل ولا نتيع
من مكملة الوجوب من حسينين الطبوع= من مغلقة اللزوم من مجازية الصنيع
والثقال الها جمال والصدور الها دروع= والخريف اله الشتاء وكل صيف" له ربيع
وكل علم" له جواب وكل رجل" له ربوع= تعتزيه ويعتزي وياقف السد المنيع
وكل داء" له دوا وكل عين الها دموع= وكل شاعر له هجوس يشتري ولا يبيع
من يطالع للسما والنجوم اللي سطوع= ماغوى النجم الجدي نوَر الكون الوسيع
ومن يناظر للجبال والصقور اللي وقوع= ماغوى الحر الاصيل مرقب الحيد الرفيع
ومن يناضر للرجال بالاصول وبالفروع= ماغوى الرجل الكريم الشجيع ابن الشجيع
يامعلعلة القلوب جاك تكسير الضلوع= يامكثرة الهروج طوّع اللي مايطيع
يامفرقة العرب جالك السيف القطوع= قص راس مسيلمه والاذاعه والمذيع
يامعوجة الدروب مالدعواكم وقوع= العلوم الفاضيه مايغنيها الرضيع
ليه مامعكم عقول ليه مامعكم سموع=ليه مافيكم حكيم يفتهم قول الجميع
يتبع التبع التبوع والتبايع والتبيع= اتبعو من يُتبع مُتبع ماهو تبيع
والمشاكل مابها غير تفريق الجموع= ومن نوى درب الفراق يبتعد ماله سميع
والخزا مافيه خير مااشبع اللي فيه جوع= والمهانه للرخوم والمذله للكيع
الجهل موت القلوب والشرف كنز القنوع=والادب عز النفوس والثمينه ماتضيع
وساسنا ساس" جويد بالاصول وبالفروع= واصحوا لصفق الزمن واسمعوا قول الوديع
قلتها واقولها فالسجود وفالركوع= ماخضعنا الا لعزيز الله الرب السميع

والمشاكل مابها غيـر تفريـق الجمـوع=ومن نوى درب الفراق يبتعد ماله سميـع
والخزا مافيه خير مااشبع اللي فيه جـوع=والمهانـه للرخـوم والمـذلـه للكـيـع
الجهل موت القلوب والشرف كنز القنـوع=والادب عز النفـوس والثمينـه ماتضيـع