اثرك سراب ولاطويت بخطوتي غير القليل=اقرب وتبعد لين جف بكبد ملهمك الضما
حبك شقا ومواصلك درب يتيه به الدليل=طرقيته مايفترق فيه الدليله والعما
ومواعدك براق صيف لاسطع ماسال سيل=صلف الرياح يشتت بشمله ليا من دلهما
تجزي بمدات الكريم الذرب مدات البخيل=حتى غلاك بخافقي عرقه يبس بعد النما
مدري جفا ولا تغلي منك يالطرف الكحيل=بس الوكاد ان مابقا بالبال ليت وربما
سويت معك المستحيل و شفت منك المستحيل=ياعلتن بالقلب مثل السوس في ضرس الجما
خلاص ابرفع رايه الهجران وابطوي الرحيل=ماهو بنا يزين من يسهج بدربٍ موهما
بلقا بديلك وانت ياعلك تحصلك بديل=دقت جرسها ساعه الفرقا وسلم واسلما
لوانت ياترف القدم طينتك مع دمك ثقيل=ودايم يعيف تالي الاشياء ردي المقدما
انا وانا صدري شمالي صاير منك عليل=كيف الحجازي اللي من ادنا شيٍ تفور الدما

المشاركة الأصلية كتبت بواسطة الحب الباقي (المشاركة 542929) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 542950) صح لسانك اخوي فهد المخلفي

المشاركة الأصلية كتبت بواسطة بخيتان البشري (المشاركة 542975) هلا وغلا اشوف العريس قام يتهيض كيف حالك يابو غلا صح اللسانك وبيض الله وجهك قصيدة جزلة من شاعر جزل

المشاركة الأصلية كتبت بواسطة تركي الشيخ (المشاركة 548133) سويت معك المستحيل و شفت منك المستحيل ياعلتن بالقلب مثل السوس في ضرس الجما صح لسانك يافهد مبدع الله لايضرك