مسحت رقمك من الجوال لانك كذوب=خلاص لاعاد تزهم رقم جوالي..
وصلت اناوانت والمشوارمفرق دروب=روح باحالك وانا باروح في حالي..
الشمس مشراقها ماهوب وقت الغروب=يالي تغيب وتجيب العذر طوالي..
لصار دايم قرارك باالمواقف هروب=ماني خويك ولاانت ابشاغل"بالي..
لاتتصل تعتذر باالعذر منت مغصوب=ماني باملزوم فيك و بعدك أشوالي..
ليت الملامح تبين ماتكن القلوب=يبين هذا شريف وذاك محتالي..
هرج السعه محترف به منت فيه مغلوب=لاكن نصاك الزوم ولا لقاء والي..
مدري مسار السفينه خالفته الهبوب=ولا ان ربانها عن دربها مالي..
لوتلبس من الثياب البيض سبعين ثوب=ماتسترك بعد شفت الموقف التالي..
كنت أحسبك يارفيقي لظروف محسوب=لين الضباب إنجلى عن عيني وزالي..