ملتقى قبيلة حرب الرسمي - ( ان كان ساس البنا محكور ) محاورة خالد وقابل

/
/
/
/
/
/
/
/
/
/
/

خالد بن عبيد=
شهادتك بالادب دكتـور=في صفحة العز منشوره
كونت لك بالشعر جمهور=واصبحت ياقابل اسطوره
قابل البشري=
وانته من اهل الادب مذكور=وحرفك سطع فالسما نـوره
ولا ازود00والشعرفيه صقور=كلـن باسمـه وجمـهـوره
خالد بن عبيد=
دامك على طيبتك مخبـور=سيرتك بالمسك مخشـوره
بعرض قضيه ومنك الشور=من بعد ماسنّتـر الكـوره
قابل البشري=
وافي وحنا معاك حضور=في وارد العلم وصـدوره
هات الخبر وانشرالمنشور=وارسم لنا كامل الصوره
خالد بن عبيد=
القلـب كنـه وسـط تنـور=ونفسي من الضيم مقهـوره
خلي صفالي ثلاث اشهور=بعديـن يخلـف معـي دوره
قابل البشري=
ياصاحبي لاشكيت كـدور=والقلب من سبب كـدوره
يمكن دخل بينكم ماجـور=واخلف لك الود عن طوره
خالد بن عبيد=
اخذت عهده وكيف يجور=والناس باين لها جوره
لكن شهدوا عليـه زور=خلوا عصا الود مشقوره
قابل البشري=
ان كان ساس البنا محكور=ماهزت الريـح معمـوره
مهما عليه السنيـن تـدور=ماغيـرت يمـك شعـوره
خالد بن عبيد=
ياكم حـي ٍ بقـا معمـور=جاه الهدد واختفـت دوره
بصبر على حالتي مجبـور=ونفسي مع الصبر منصوره
قابل البشري=
هذي سنن فالحيـاة تـدور=ماهي على حي مقصـورة
وقولك على ماحصل مقرور=ونفسك على الصبر ماجورة

وياصحابنا سامحونا
اخوكم الشاعر / خالد بن عبيد بن معتوق ألأحمدي