|
الطير مهما كان فالجو طاير=لابد من يوم(ن) على الا رض طايح
بسم الله الرحمن الرحيم
احترت انا فالوقت والفكر حاير= تهنا وفينا ماتفيد النصايح وسلامتكمنمدح كثير المال لو كان جاير= من كثر ماله نال كل المدايح لو كان صك الباب عن كل زاير= وايديه ممنوعه عن امر الصلايح يقال له سيد في كل العشاير= ويسجل اسمه في علو اللوايح لو كان هذا المال جا من خساير= مال الفقارى والفقارى نوايح تجار تلعب في بنوك العزاير= مضاربه بالمال والضرب جايح والا قناةٍ بعد موت الضماير= تنشر قبايح مابعدها قبايح متكبرين ورافعين الستاير=ويبغون جمع المال لو بالفضايح ياهل العقول النيره والبصاير=قولو لراع المال وين انت رايح ترى التكبر من كبار الكباير = وراع التكبر مايجيب الربايح ومدحٍ كسبته من نفوسٍ صغاير=اصبح غبارٍ مع هبوب الروايح الطير مهما كان فالجو طاير=لابد من يومٍ على الا رض طايح ياسرع مادارت عليك الدواير=وتندم على مالٍ بقي فالصفايح المدح في سلم العرب والسواير=للطيبين اهل العطا والسمايح المدح للي تالي الليل ساير= ينصى الفقير اللي من الفقر نايح وليا لفاه الضيف يلقى البشاير= ويلقى دلالٍ فوقها الهيل فايح وان جاه مضلومٍ يهل العباير=هو نجدة المضلوم وان صاح صايح يصبح بخيل المال فالوحل غاير=وراع العطا والجود فالفوز بايح نبينا بشر وحط النذاير= بين هل الا فساد واهل الفلايح عليه صلى الله مادار داير=فوق السما والا على الا رض سايح |
اقتباس:
وقصيده رائعه احتوت الكثير من النصائح والحكم اسجل اعجابي اللامحدود بهذه الدره الثمينه لاعدمناك |
شكرا اخوي مضحي على مرورك وتعليقك ولاعليكم زود صح بدنك يالغلي
وتقبل خالص تحياتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح اللسانك قصيده جزله |
عقيد الخيل اخوي صح بدنك ووجهك ابيض
لك تحياتي |
الحر صح بدنك ولك شكري وتحياتي
|
|
صح لسانك وسلم بنانك
قصيدة رائعه بروعة حضورك لك تقديري |
الساعة الآن 02:32 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
