نبارك للأخ العزيز
عبدالرحيم الحميري
على زفاف أبنائه والذي أقيم يوم السبت 18 / 7 /1430 بقاعة مون لايت بجده
وقد تخلل هذا الحفل لعبة الزير والذي حضرها العديد من الشعار الكبار
ودارت محاورات عديده وزواميل بصحبة العديد من القبايل
ويسرني أن أدرج لكم منها لحن الزير والذي دار بين
ماجد أبومديده من جهه
والشعار ( حامد بن عبدالحميد ) و ( عبدالغالب إبن نويهر الغانمي ) من جهه أخرى
وأيضآ لحن في فن الكسره
بين
ماجد أبومديده من جهه
والشعار ( عواض الفارسي ) و ( عرابي القريقري ) و ( سلمان القريقري ) من جهه أخرى

لحن التقاطيف ( الزير )

ماجد أبومديده=
سلام مثل الذهب مسبوك=مافيه خِّلَه ولانُقصان
بن عبدالحميد & بن نويهر=
يامرحبا فالفرح مبروك=وأهل المعاني لهم ميزان
ماجد أبومديده=
لاصافق الموج بالسمبوك=وِش حيلة اللي على السَكّان
بن عبدالحميد & بن نويهر=
إحذر تراه الدرّك مدروك=وضبط السفينه من الرُبان
ماجد أبومديده=
باب السعو فالبحر مصكوك=حتى حدآبي على الشِعبان
بن عبدالحميد & بن نويهر=
أشوف أحمد وأبِن متروك=توافقو كُلهم سبحان
ماجد أبومديده=
الخير من يمُّكم ممسوك=وأخوك وسط الشعَب نشبان
بن عبدالحميد & بن نويهر=
لو كان ساس البِنا محبوك=مايحصُل الصدع فالجدران

ماجد أبومديده=
ماجاتنا حسب مانبغاه=فالواقِع اللي نظرنالُه
وِشب المطر ماتهامل ماه=والأُنس ماجاد همّالُه
عواض & عرابي & سلمان=
يامن شرح وإبتدا معناه=نبغى إنتجاوب مع سؤالُه
ناظرت وإن الحيا مغناه=من يمُّكم خيّم خيالُه
ماجد أبومديده=
لاتزيدني آه فوق الآه=وإنت الموكّل على إرسالُه
أعضاني القلب كيف أنهاه=حتى الآسى بانت أفعالُه
عواض & عرابي & سلمان=
يامَّيز النص في شكواه=ومبرمجُه من هوى بالُه
القلب وِش هي سبايب داه=والحاصِل اللي تهّيالُه
ماجد أبومديده=
طرفي نظر فالغرام وتاه=مابين حِّلُه وترحالُه
وإستأسر الجوف مِن بلواه=حتى أصبح الوضع يُرثالُه
عواض & عرابي & سلمان=
الطرف ماشاهدُه عنّاه=وإنته السبب في عنا حالُه
واللي سحاب الغرام أغراه=لايقول يامطول ليالُه

حامد بن عبدالحميد=
لونُه مِن المِسك والعنبر=وقلبُه من الجوهر المكنون
يستاهِل العِز والمنبر=اللي على منصِبُه مأمون
ماجد أبومديده=
اللون يعكِس لك الجوهر=ويبيِّن الخافي المضمون
يستاهِل العِز وإنته أخبّر=واللي على منزِلَه مايهون