ياللي تبون الطيب ولكم هوا فيه=لكن تنقصكم مزايا هل الطيب
احذو حذو حثلين وامشو مماشيه=حتى تجون بعاليات المراقيب
حثلين ابن ركان نفخر بطاريه=مع ربعنا ولا بدار الأجانيب
حرٍ ولد حرٍ عريبه مجانيه=من صلب جابر ساترين الرعابيب
حثلين من فوق الثريا هقاويه=هقوة بطل ماهو قريب محاضيب
والله ماينضام من يعتزي فيه=مواقفه تصعب على أهل المناصيب
مواقفه تحرج رجالٍٍ تجاريه=تبي تسوي مثل حثلين وتخيب
حقه علي اطريه واذكر مساعيه=وابا اذكره وابا اشكره بالمكاتيب
لو كان مهما قلت ماني موفيه=حقه لو اكتبله جزيل الهناديب
يرحمك ياعودٍٍٍ من من إول مربيه=حتى طلع طلعت حصان الأطاليب
ياالله تغفر له وتحسن ملافيه=ياواحدٍٍ تسمع دعا العبد وتجيب