|
بيان الصمت تعال عندي علوم لك ولا يهون الجميع
كلام مع أبو محمد الظاهر أنه قديم عساه يذكر أحداثه ، بيان الصمت خلي تأخر عن الميعـاد=وش الذي صار فاحواله لو يختفي ثالث الأبعـاد=لا يمكن الشك في وصاله ردي يامشتـقي شفت خلك عـــاد= طيب هني والسعد ناله شربه عسل صافي الميراد= قليل شــرواه وامثالــه بيان الصمت
برق وسحايب وزود ارعاد=ما تترك الجـو يصفالـه لك البشارة بعلـم أجـواد=والقلـب سامـع لأقوالـه وحصل إنعطاف مفاجىء بزاوية حادة ما أعلمه ورديت
هيًّا استمع في الكلام الجاد=والعـــدل يبــراه معـــداله حشمه ومقدار جينـا المــاد= والحــر ينزل في منــزاله بيان الصمت
الأمر زايد عـن المعتـاد=من ضيقة الوقت وإشكاله وصى طرفنا بأمور جداد=لا زم يشـارك بمنوالـه ردي
علمٍ حصل والله اللي راد= ومنــه فتـــح بــاب يحسـا له لو كان أمشي وفاء منقاد= معروف أبو زيــد من خالــه بيان الصمت
وش اللي حاصل زمنا حاد=لما الوتـر زادت أميالـه والكل للـي زرع حصـاد=مهما انتحل صورة أجياله خوينا في ظروف شـداد=يعود مهما الزمـن طالـه والطير إلى منبته عـواد=وحاسب العرض وأطواله ردي
الله زرع فــي الفـــؤاد وداد= ولا حب مخلــوق سواله والنـــاس يا ربعتي شهــاد=ما فيــه من طيبــوا فالــه وإن راح عابد حضر عباد= يا عـزوة العــود ورجالـه والود ما ينكتب في أسنـاد= تكفــون لا تقصــر حبالـه ثم أردفت بقاف لإنهاء الحفلة بسلام
يا من لكم في فؤادي ود= يجري مع الدم في مجراه للآن ما شفـت منكـم رد= واللي يجيب الخبـر يقفاه ورد بيان الصمت
أنا أحمد الله على ما جـدَّ=والعسر بعده يسـر يتـلاه تجـاوزت فرحتـي للحـد=ما يحاسب القلب من يهواه ورديت
هذا الطلب غاية المقصد= يا راعي الطـيب في معناه وارتاح قلبي لا عـاد ترد= ما فيه أحسن من اللي جاه ، أنا ناسي الأحداث لكن من شروطة اللعبة ما أحد يسري الا والخاطر طايب وإنتهت الحافلة بسلام والحمد لله |
حيااااااااااااااااااااااااك الله يا أبو هاني
ويسعد أيامك ولياليك وهذا دليل طيب معدنك أما اللحن فأنت تذكره ولكن حدث الانعطاف عند مشاركة أخينا الغائب الخلوق نواف السهلي وترحيبي بمشاركته وللمعلومية فالأخ نواف سجل في ملتقانا باسم أبو ربعة ولكنه انقطعت أخباره فجأة وقد حاولت الاتصال به كثيراً دون فائدة ولا زلت لليوم أبحث عمن يأتي عنه بخبر يطمنا عليه وتسلم يا أبو هاني على استرجاع هذه الذكريات الجميلة وعافاك الله ورعاك |
ماشاء الله لحن جميل جدا
أيش الإرشيف الذهبي يابو هاني صح ألسنتكم وبيض الله وجيهكم لكم خالص التقدير |
اقتباس:
تسلم وفعلا فيه ردين ما أضفتها ، نواف وواحد آخر |
اقتباس:
تسلم أبو محسن ، ولا باقي الكثير لكن على مهل |
صحت السنتكم والله يـعـطـيـكم الـعـافيـــــــــــة بيض الله وجيهكم |
بيض الله وجهك يابن العم ووجه بيان الصمت لحن راقي جداً جداً
|
اقتباس:
هلا .. هلا .. الله يحييك ، تسلم ووجهك أبيض |
كلام وأخذ وعطا يابوهاني والانعطافة جات في الصميم صح الله لسانيكما وأدام الله عزكما وبيانكما سعدت بمروري وتصفحي تقبلا تحياتي واحترامي |
تسلم وبيض الله وجهك يا ابو هاني نقل رائع من الآرشيف ما شاء الله عليكم قاف رائع صحت اللسنتكم وبيض الله وجيهكم سرني ما قريت من فن راقي لك كل التقدير |
الساعة الآن 09:49 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir