ملتقى قبيلة حرب الرسمي - أحب أهديكم محاورة نادرة ومختلفة نوعا ً ما عن أكثر المحاورات

أحب أهديكم محاورة نادرة ومختلفة نوعا ً ما عن أكثر المحاورات ..

لأنها لم تأخذ طابع التحدي كمثيلاتها من المحاورات ! .. بل اخذت طابع الذكريات وربما العزوف والملل من شعر المحاورة والإعتراف بمكانة الخصم (( بدلا ً من إبراز العضلات أو على الأقل التحدي ومحاولة التغلب على الخصم )) .. فكأنهما لن يلقيا بعضهما بعد هذه المحاورة ..

محاورة من النوع الفريد ..
لأنها كانت من المحاورات الأخيرة بين رشيد الزلامي وصياف السحيمي رحمه الله ..

للمعلومية كانت المحاورة بعد غياب صياف عن المحاورة , بمعنى أنها تعتبر حالة استثنائية لصياف حيث انه كان معتزل !
" ولكن لقاء الكبار لايغيره الزمن " ..

=

رحم الله صياف السحيمي وأطال عمر رشيد الزلامي :

الزلامي :=
الصاحب اللي غاب عنا سنه واليوم شفناه=ماودي أنشد صاحبي عارفٍ سبة غيابه
بس المهم اليا تعافى نقول الحمدلله=ون كان ماقالوه خندف يقولونه شبابه
صياف:=
الادمي فالكون مسؤول عن دينه ودنياه =اما رجع ولا تلوى به الذيب وسرابه
ليت الزلامي هاك الايام خامسني بيمناه =ثم أعتزى بحزامه اللي مع الناس اعتزوابه به
الزلامي: =
ياصاحبي صياف ماقيل فالماضي لقيناه=مليت من مشعان مجول وهذيك الربابه
إلى صدف له واحدٍ في هذاك الدرب خاواه =وانا اتحرى صاحبي لين تلفي به ركابه
صياف:=
روح إقلب الصفحة وتلقى الكتاب اللي كتبناه=وان كان ماتقراه يقراه غيرك بالنيابه
ياليت ذاك الحمل عند العرب فقصاه وادناه =لكن اخاف إنك تجي به وتعطيه القرابه
الزلامي:=
شفنا لنا خطٍ على الصفحه ملواه=واكيد ماهو من كلام النبي ولا الصحابه
العام يوم إن سوق الجمل يازين ممشاه=واليوم عسى الله يغيثه بقطره من سحابه
صياف:=
هرج الزلامي لو تلقاه فالسوق اشتريناه=لكن من كثر الحسد يلتوي به فالشعابه