الحمد لله عظيـم الشـان=راضي بحكمـه واقـداره
عالم بحالي كريم رحمـان=ما يخيب الي قصـد داره
لا اصحاب لا أهل لا خلان=يلعنـك يادينـا غــداره
ميهم لو زادت الأحـزان=وان باتت العين سهـاره
شامخ ولو داخلي بركـان=نفسي عزيـزه وصبـاره
ما اقول محتاج لأي انسان=القلب ماتكشف اسـراره
مسكين يا خيان الإحسان=غـرتـك الأيــام دواره
تمشي ورى فلان وفلنتان=والنفـس لاشـك مكـاره
بأوهام يبنون لـك بنيـان=مسجون في داخل اسواره
كما السفيـه بـلا ربـان=تلعب بها امـواج قهـاره
رخيص بعت الغلا خسران=بدلت الألمـاس بحجـاره
بكره تحسف على ماكـان=يا ضيعت العمر وازهاره
يسقيك كاس الغرام الوان=من العذاب تشرب امراره
تعض الأنامل قهر ندمـان=وتذكر كلامـي واخبـاره
وتعيش تايه وحيد حيران=وينكـوي قلبـك بنـاره
بس لاتجي وقتها زعـلان=تبكي وتشكي لي اضراره
روح موت ياناكر العرفان=هذا الحكم منك اصـداره
ياناكث العهـد والأيمـان=مثلك فلا نقبـل اعـذاره
الحر مثلي يموت جيعـان=ماتقرب الرمـه اوكـاره