|
كثر التشكـي والترجـي سماجـه
انته سبب ماصار للقلـب والعيـن=وانته سبب جـرح ٍتعـذر علاجـه كل ماطلبتك حاجـةٍ قلـت بعديـن=راح الزمان ولا حصل منك حاجه حتى الرسايل تشتكيهـا العناويـن=صندوقهن ما وقعـن فـي سياجـه وانته تعرف ان الرسايل براهيـن=وان الرساله منك نصف المواجـه تـدري ولكنـك تحـد المحبـيـن=لابـد محبوبـك تسبـب ازعاجـه لكن تدري ويـش ياكامـل الزيـن=كثر التشكـي والترجـي سماجـه ابى اتركك تركة مدخـن لتدخيـن=يبى السلامـه لـو تعكـر مزاجـه صبرت لي عامين مع درب عامين=عسى لعـل إنـا بيـوم انتواجـه ومليت من صبـرٍ تحملتـه سنيـن=برجوى سحابه عايشٍ في عجاجـه خلاص انا ابى اعلن تحديك هالحين=ماهمني قلـب الهـوى واحتجاجـه يصبر على ماجاه بالعسر والليـن=وياخذ من الحاجات ربع احتياجـه لو يشتكي للعيـن طنـشت الاثنيـن=مثلي بخيص وعارفٍ وش خراجه قطعت حبل الوصل مابيـن قلبيـن=ومن انزعج ماهمنـي بانزعاجـه وقطع العلاقه مثل قطع الشراييـن=وكسر الخواطر مثل كسر الزجاجه أدري ولكـن حل0مافيـه حلـيـن=من لايعرف الحـب هـذا علاجـه هذا قراري مابـه يسـار ويميـن=يضحك حجاجه او يعقـد حجاجـه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك يابو سامي
غزليه رائعه ياشايب:0746: |
الله الله
صح لسانك يابوسامي والله يعطيك العافيه |
يصح لسانك يالشاعر
ولاهنت على هالشامخه إحترااامي’,, |
وقطع العلاقه مثل قطع الشراييـن=وكسر الخواطر مثل كسر الزجاجه
صح لسانك وسلمت ودمت الله يعافيك |
وانته تعرف ان الرسايل براهيـن=وان الرساله منك نصف المواجـه
لكن تدري ويـش ياكامـل الزيـن=كثر التشكـي والترجـي سماجـه ابى اتركك تركة مدخـن لتدخيـن=يبى السلامـه لـو تعكـر مزاجـه اي نعم .....اي نعم صح لسانك يابو سامي عزالله انك شاعر متمكن ماشاء الله عليك استمر ولا تحرمنا جديدك |
لاهنت وصح السانك
تقبل التقدير والاحترام وفقك الله |
صح لسانك
وسلمت ودمت الله يعافيك |
ابى اتركك تركة مدخـن لتدخيـن = يبى السلامـه لـو تعكـر مزاجـه
قصيدة رائعه وشامخه وتصوير جودته عالية صح لسانك شاعرنا القدير ودمت بخير وصحة |
الساعة الآن 12:37 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir