ملتقى قبيلة حرب الرسمي - مبروك ابوناب وعمر الخالدي(( قالوا الناس))

((عمر الخالدي))

ياسلامي عليكم عد وبل السحايب=مبتداها كما مبدا النجوم المطله
قالت الناس تايب قلت ماهوبتايب= النبي تعرفونه ماقعد فمحله

((مبروك ابوناب))

مرحبا بالضيوف ومرحبا بالقرايب= والتحيه نقدمها بسنه ومله
من يعلمك عنا ياعزيز الركايب = انت بعت الخبر يوم العرب مسمهله

((عمر الخالدي))

لا تغير ظميرك وانت رجال شايب= خلها في سنعها كل درب تدله
عام الاول قفلت الباب دون الطلايب= والعشيه تثبتها عليك الادله

((مبروك ابوناب))

لا بغيت الحقيقه ماعليه غصايب= آخذ القسم دايم من خيار الاهله
يوم تبنا تجنبنا جميع المصايب= كثر الاقوال حطت لي ثلاثين عله

((عمر الخالدي))

قلتها وانت حاضر قلتها وانت غايب= بالمحايل تحاول تشرب البحر كله
خذ من العلم الاحسن يازعيم الكتايب= واترك العلم الاخر والخطا لا تصله

((مبروك ابوناب))

قلت قول الصحيح اللي يفك النشايب= اول العلم طيب واخر العلم خله
انت وشبك تحداني تجر السبايب= احمد الله لا شفنا صورتك بالمجله

((عمر الخالدي))

كل سلعه من الجمرك عليها ظرايب= دونها رجل جمرك غيرها مايدله
انتهى الشوط الاول وابتدا شوط نايب= التبس لك حرام وحط فوقك مظله

((مبروك ابوناب))

ياعمر احسبنك طبت مانته بطايب= كل ماطول المشوار دمعك تهله
كل الاصحاب ملت منك والظن خايب= لبسوك الوشاح وبالدقيقه تحله

((عمر الخالدي))

يوم اقدمك للعليا فساعه تحارب= لو نرد السلام الصبح سيفك تسله
خلها لاهلها خلك لقوم العصايب= كل شله تروح تجيك تسعين شله

اعلنو فالجريده وابتدوا فالرقايب= المرض ياعمر فالقلب كل" فطن له
راحو هذيل منها مثل شبك الشعايب= كل من جاك فالميقاف حبلك يتله

وشكررررررررررررررررررررررررررررراكم