السلام عليكم ورحمة الله وبركاته
صباح,,مساء الخيـــــــــر
هذهـ خاطرهـ جديده عل وعسى تعجبكم..

ماصار بالأمـس حيرنـي=وزوّد على قلبي الاحزان
الفكـر كثـره مجنـنـي=والهم اقبل علـى الحيـران
واليوم هرجك بيجرحنـي=مانام من طعنتك سهـران
تعـال تكفـى وفهمنـي=من قلبك الهرج او غلطـان
ان كنت غلطـان خبرنـي=مسموح يكتب لكم عنوان
وان كان مقصـود تطعنـي=الشكر يوصل لكم اطنـان
ماجاك غيـر الغـلا منـي=اعطيتك القلـب يالمنـان
وانـت تقفـي وتهجرنـي=وتترك قليبـي انـا ولهـان
لاتصدق اللي حكى عنـي=اللي في درب الهوى قد خان
بذكرك وانت تعرفني=ماخون منهو لقلبي صان

دعواتكم ياخوان
الامتحانات فتحت ابوابهآآ
بذاكر هههههههههه
بغيب عنكم اسبوعين فقط لاغير
اخوـكم:
علي العبيدي

المشاركة الأصلية كتبت بواسطة قابل البشري (المشاركة 517658) صح لسانك ياعبيدي00 ابيات كسرة في منتهى الجمال تحياتي

صح بدنك يابو يزيد
الاجمل مرورك يالغلا
لك ودي وفائق احترامي

المشاركة الأصلية كتبت بواسطة ماهر ابو خالد (المشاركة 517698) موفق يالعبيدي بس لا تشغلك كاس القارات والحمدلله ما فيها برشا ولا نقلك الدور ثاني هههههههههه

الله يسلمك يابو خالد
بس ماعليك راح البرشا موجود اسبانيا (( xavi+puyol+v.valdes+ineista)) هههههههههههه

اهي بين برازيل واسبانيا انت وش تتوقع اكيد انت برازيلي ههههههه

نورت بمرورك
لك ودي وفائق احترامي

المشاركة الأصلية كتبت بواسطة عبدالعزيز الزويهري (المشاركة 517719) سلمت يالعبيدي صح لسانك و بيض الله وجهك كسرة راقية برقي فكرك و حضورك الجميل و الله يوفقك في اختباراتك دمت بخير

الله يسلمك
صح بدنك ووجهك ابيض
الأرقى مرورك يالغلا
نورت
لك ودي وفائق احترامي