خالد بن عبيد الاحمدي=
اعطوني الحل والبرهان=ياللي لكم طيب الاسلومي
نفسي تمنى رطب روثان=والسوق مليان مكتومي
محمد العصامي=
الحمد للواحد المنان=فضله على الخلق مقسومي
هذا وذا نعمة الديان=غيرك فطر شوك برشومي
خالد بن عبيد الاحمدي=
شكيـت لـك هـم بالوجـدان=وياليـت مابـحـت بعلـومـي
اثريك تشكي من الحرمان=عزي لمن عاش محرومي
محمد العصامي=
محروم شربه وانا ضميان=وانته لك الماء مزمومي
تختار من عذبه السكبان=وانا اتجرع عنى يومي
خالد بن عبيد الاحمدي=
بالديـن حنـا ترانـا اخــوان=والامـر ماضـي ومحتومـي
لو زان وقتـك معـي مـازان=مطعون في سيف مسمومي
محمد العصامي=
الامر في دنيتـي سيـان=ان عشت او مت معدومي
لكن نصيحـه وبالمجـان=دور على شخص نعومي
خالد بن عبيد الاحمدي=
اتقنـت حلـو المعانـي اتقـان=يالله عسـى حضـك يقـومـي
واصل الهوى حالته باحزان=يـاكـم عــذب مــن قـرومـي
محمد العصامي=
ياطيب يامعطر الاغصان=عطرك تناثر على هدومي
ابدعت في كسرتك الحان=حامض حلو لومي يالومي
خالد بن عبيد الاحمدي=
انـا سميـي رفيـع الـشـان=من هابه الفرس والرومي
ماقمـت اغـنـي يالـيـلادان=احكي لكم هـرج مفهومـي