ملتقى قبيلة حرب الرسمي - صياف وابوناب((انت ياابوناب))

((صياف))

انت يامبروك سقت الجمال وبركت=ماتعرف تسوقها ماتعرف تسوقها
لو قربت العصا ليلة الجمعه حبت=وهدرت بشدوقها وهدرت بشدوقها

((مبروك ابوناب))

شفت ابن عواد حرك علوم وحركت= بعد مال بسوقها بعد مال بسوقها
محتسي بالدله اللي بكفه بهرت= كل ساع يذوقها كل ساع يذوقها

((صياف))

لك مبادي مثل مبدا النجوم اليا بدت=لاتضيع طروقها لا تضيع طروقها
بهرت بالهيل والزنجبيله وانتهت=والسوالف فوقها والسوالف فوقها

((مبروك ابوناب))

والسنين الاوله وين راحت وين جت=قفلوا صندوقها قفلوا صندوقها
عام الاول يالسحيمي عيونك حمرت= لين شفت طقوقها لين شفت طقوقها

((صياف))

حمرت لجل العيون الصغار اللي بكت=يوم اخذت حقوقها يوم اخذت حقوقها
....................................................=............................................

((مبروك ابوناب))

احمد الله يوم جاتك ويمك زرفلت= واقبلت ببروقها واقبلت ببروقها
والولي لولالي عنك الخزاين قفلت= غربها وشروقها غربها وشروقها

((صياف))

البوابير اقبلت والبواخر حملت= وارسلوا زاروقها وارسلوا زاروقها
مايعينك للعدا لو نارك ولعت = غير مسك حلوقها غير مسك حلوقها

((مبروك ابوناب))

البواخر وقفت والمقاضي شكلت=من يخيط بسوقها من يخيط بسوقها
الصواريخ حضرت والبنادق زهبت= ساعت لقيت شوقها ساع لقيت شوقها