بيان الصمت =
سلام يحكي لسان الحال =من قاصي القلب نعنابه
نا خذ ونعطي معاك أمثال = والعلم يأخذ من أبوابه
فواز الزويهري=
ترحيب وافي وطيبة فال =وأمثالك احنا فرحنابه
وراع المثل يوفي المكيال =ونوفيه من عرفنا حسابه
بيان الصمت =
عسا البقا والشهود أقوال = بالطيب يغني عن كتابه
أبا اشتكي من ألم نزال =طاغي على القلب باسبابه
فواز الزويهري =
هيا ابتدي واشرح الأحوال =ولجرحك الطب نسعابه
ولو كان نقدر نزيح جبال=ونريح القلب من مابه
بيان الصمت =
بين الفكر والفؤاد جدال =من بعد سهم العنا صابه
ياكيف قلب الوفى يغتال=وأكبر مصيبه من أحبابه
فواز الزويهري =
بين الفكر والفؤاد احتال =واللي نوى المر يسقابه
لا تقطعه ... احذر العذال=واعقد له الحبل في عتابه
بيان الصمت =
ظليت معهم سنين طوال= ماهمي الوقت وانشابه
قدام جسر الموده يزال =نبغى حكم يعدل نصابه
فواز الزويهري =
وافي ومثلك كريم سبال =والحكم مختوم في خطابه
أعدل عواج الغصن لا مال =لا تكسره احذر إعطابه
وأنت نعدك من العقال = يانجم عالي في مرقابه
وإن كان شفت الخطر في اقبال =راس الحنش أدعس انيابه

المشاركة الأصلية كتبت بواسطة عسكر البارود (المشاركة 515934) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ماهر ابو خالد (المشاركة 515994) ابو محمد وابو محسن صحت السنتكم ويعطيكم العافيه راق لي هذا البيت واطربني معناه: لا تقطعـه ... احـذر العـذال = واعقد له الحبل فـي عتابـه دمتم بخير وصحة مبدعين كعادتكم

المشاركة الأصلية كتبت بواسطة خالداللهيبي (المشاركة 516177) محاوره رائعه صحت السنة الشاعرين الكبيرين فواز الزويهري وبيان الصمت وتقبلوا فائق تحياتي0