ياخالد ابن عبيـد ارجـوك ترجـع=اطلب اذن دام الملك فـي عريشـه
في منتدانا صرت تفرض وتشـرع=سارح وضاوي تحسب الوضع ديشه
سيف الشعر في كفي الحين يلمـع=اصحا تكابر ثـم يسحقـك جيشـه
انا ورثت المجد مـن عهـد تبـع=مانا كما اللي يندرق في حشيشـه
في حضرة الاجناب والكـل يسمـع=اعرف دروب الذيب واعرف محيشه
لاثـور البـارود بالـراس يصقـع=ولانا من اللي رميهـم دوم طيشـه
اربط يدينـه ثـم بالـراس تجمـع=واقفل عليه وأتحمله وسط خيشـه
هذي فعولـي ياولـد ليـن يخنـع=منهو يسـوي يـم بابـي دريشـه
يطرح ويقسم ثم يطـرح ويجمـع!=والله لأقطع كامـل أسـلاك فيشـه
حكمي كتبته وإنت مجبور تخضـع=مادام وزنك فالشعـر وزن ريشـه

ياعابد ابـن عبيـد ياليـت تقنـع=وشبه غزاك ابليس وقت الغبيشـه
الشعر منته فـي عروشـه تربـع=مادام ابن معتـوق ربـه معيشـه
شخص ٍ محنّك للفهيميـن مرجـع=واعرف جزيل الشعر واترك غشيشه
قلبي على حب الشهامـات مولـع=مـادور الهـزلات مامـز شيشـه
خابرك منتـه بالتغطـرس تطبـع=والله خلق فالناس عاقـل وهيشـه
حذرك على موج تسنامـي تشجـع=نفسـك بغباتـه تراهـا بليـشـه
ربعك رجال اكـرام تكـرم وتفـزع=واصلك ترانـا بالـردى ماننيشـه
وانا بعد من نـاس للطيـب منبـع=بارودهـم منـه مسامـع طريشـه
كم من قبيلـه ليلهـا دون مهجـع=تخشى فوارس حرب ذعر ودهيشه
في صيتهم وصلـوا ثريـا وسبـع=فيهـم ذرا لاقفّـل الوقـت شيشـه
دامي في صرح الشعر لايمكن اطلع=لو كـان وجهتـوا عليـه كليشـه