ملتقى قبيلة حرب الرسمي - ( مساجله جيده )

/
/
/
/
/
/
/
/
/
/
/
/
/
هذه الابيات وصلتني
من الشاعر
/عايد بن عبيد المدني

حسبي عليك الله ياسايق الجمس=ياليتني جالس معك فالغماره
أقسم برب البيت وأبصم على الخمس=إني ازين غترتي في جداره
ودعاسة البنزين ماتقبل االلمس=يفز فزان الفرس وسط غاره
إليا أنطلق في سرعته يشبه الفكس=عزالله إنه راس مال بجداره
وصوت المكينه ياولد يشبه الهمس=ولا يحترك إنبير ضبط الحراره
يازين لونه لا تلالا مع الشمس=لوحه جميله واضحه فالعباره
واجب على اللي حايزه يخرج الخمس=الحكم شرعي من عروض التجاره
أشرت له بالكف عصرية الأمس=عيا يوقف ياهلي واخساره

واليكم
ردي

خط ٍ قريته بان قافـه علـى امـس=من شاعر ٍ نشهد بحسـن اختيـاره
لجله رفيع الشان هو مرهف الحـس=فريـد فـي نهجـه وعالـي وقـاره
من صد عن قافه وصل ناضره عمس=هو عايد بن عبيـد رمـز الشطـاره
يشكي علي جروح في داخله رمـس=صـوّر معاناتـه لنـا فـي قـراره
ياعايد بن عبيـد معدنـك ديلوكـس=مايندم اللي كـان شخصـك جـواره
واوصيك لايزعلك لاطنّشـك نمـس=هـذاك مايكـرم ضيوفـه وجــاره
وقت اللزوم يصـد عنـك وينـدس=طبـع النذالـه يعتبرهـا حضـاره
لاتنغمس فالضيق ياصاحبي غمـس=راع العـزم مايزعلـوه الصـغـاره
وقبلك فؤادي بالهوى من حمس حمس=والـود مـالـه محكـمـات اوزاره

الشاعر / خالد بن عبيد بن معتوق ألأحمدي