ملتقى قبيلة حرب الرسمي - حالات الغـــــــــــرام.................

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - حالات الغـــــــــــرام................. (http://www.m-harb.net/vb/showthread.php?t=46132)

حالات الغـــــــــــرام.................

ياماشكيت الشوق حلوالاماني =اشكي على الظلمه بهم وتحاسير
مرت على تاريخ وقتي ثواني =لها من الآلام بصمه وتأثير
ودي اسجلها بحرف ومعاني=ودي ولكن مالها من تعابير
البارحه في تالي الليل جاني =طيفك وخلاني على جمري اسير
ياما نهيت القلب لآكنْ عصاني=قلبي عليل وفيه ادله وتقرير
ياصاحبي ربي بحبك بلاني =لو كان لي حيله وقدره وتدبير
لانساك وانهي قصتك من كياني=والقلب اعمل له عن الحب تشفير
ياسرعة الايام تطوي زماني=والله يعلم وايش لي في المقادير
ليه الهوى ياناس مجني وجاني =ووصل الموده بين حلم وتفاسير
وليه تكثر في المحبه المعاني =هذاك متحسس وذا عيبه يغيّر
وذاك متعطش لعطف وحناني =وذاك يتوعد بفرقى وتحذير
وذاك شكله في غرامه يعاني= تقول كنه تحت موجات تخْدير
وذاك يبني في خياله مباني=فجأه يلاقيها خرابه وتدميـــر
وذاك متسلي بقضم البناني =لاشفت حاله قلت يالله عسى خير
وذاك كنه فيه ثورة جناني=لاعاد له موعد حصل فيه تأخير
وذاك يجمع في كلام الاغاني=في الحلم ركب له جناحين ويطير
والبعض وافي لك ومنه الضماني=ولايجي من على الضيق تقصير
ولايبتليك الله بحب الاناني =الي بحبك له يلم الجماهير
ويلعب بإحساسك كماالبهلواني=ولاشاف لك بسمه قلبها بتكدير