أنا كل ما أعلن توبتي للولي واتوب= نظر لي بعينٍ تحرم المسلم التوبه
ليا شفتها كن القدم ياعلي مقضوب= ابمشي وكن الرجل بالقاع مقضوبه
ياليته رحمني يوم زاد الذنوب اذنوب=لكنه يريد الذنب والنفس مذنوبه
وسلوم الرجال اتحدني ماعليها دروب= لكن صابر ٍ والنار بالقلب مشبوبه
ولاني ضعيفٍ بين هذي وذيك ايلوب= شجيع اللسان اللي نواياه مقلوبه
عيوبه يخفيها وبالناس يلقى عيوب= ونصيبه مبدل مجلس العز بالكوبه

ياسرع دمع العيون اليا تخيلتك=واليا انشدن قلبي المجروح ينشدني
يشره عليه وانا والله ما اهملتك=اموت واحيا بخيالك وانت مبعدني
عساك ما تموت لو تموت قابلتك=فدتك روحي عساك اللي تشهدني

دكتور عالجني عسى الهم ينزاح= دور علاج الهم قلبي يزيحه
همي كبير وزود افراحي اتراح= ولا ارتاح لين اشوف هاك المليحه
جوي تعكر والبلا الورق لا ناح= زاد الهضايم والضماير جريحه
زاد الجروح اللي قديمات بجراح= واللي رمتني بالمواصل شحيحه
الله يامرهم على الخير بإصلاح= والله يجنبنا دروب الفضيحه

ياشين الوداع ويوم قفى وانا قفيت=مشيت التفت يمه وهو يلتفت يمي
دخيلك لا تحسب صدتي كل ماصديت= علشان اصد وماتبي تامر وتمي
عزيزك عزيزك كان بينت وإلا اخفيت=وغلاهم معاوين الدهر نشفن دمي
عسى الله يعين الشارع اللي يود البيت=تقل مالكه في صك والبيت هو همي
ترى ان قمت وإلا نمت وان رحت وإلا جيت=هو الثالث اللي بعد ابويه وبعد امي
هلا بإسمها اللي كل ما مربي فزيت= لو إنه يسمى به ولد جن ما اسمي