من حسينات المعانـي والقصيـد=ومن جزيلات به فكري ارتـوى
ومن جديد البدع والبـدع الجديـد=وهاجس توه على بالـي ضـوى
ومن سموم الصيف وظلال الجريد=ومن طويل نايـف ذيبـه عـوى
بالذهب والماس والـدر الفريـد=والمعاني اللي لها فكـري حـوى
من محمد بن سعـد بـن سعيـد=وقلبه اللي بُعد خلـه مـا قـوى
للوحيد اللي هوى قلبـي الوحيـد=ساكنن قلبـي وبعـروق التـوى
أبشتكي له حالـة القلـب العنيـد=يوم قللي صاحبـك قتلـك نـوى
قلت عوذه هيد ياذا القلـب هيـد=صاحبي مثلي من الحب اكتـوى
قالي وش فيـك مـا تفهـم بليـد=فيه حي يقدر يعيش بـلا هـوى
صاحبك شريان قلبـك والوريـد=صاحبك علتك وشوفتـه الـدوى
اختصار الهرج و العلـم الأكيـد=إن رضيت أو قلت لي مالك لوى
صاحبك لو راح والله مـا تفيـد=لو يقفي أعرف إن فكرك غـوى
وكان عقلك راح أعلم يا رشيـد=عيشة المجنون أو موتـه سـوى
قلت عطني الحل والعلـم المفيـد=يا قليبي قبـل لا يطـول النـوى
قالي مـدري 0 وردد لـه نشيـد=مخطرً حالك إذا جوفـي خـوى
ثم هلت عبرتـه وأرعـد رعيـد=وادرق عني وفي ضلوعي انزوى
وصوت نبضه مثل طيران العبيد=وما عطاني الحل ملعون الثـوى