|
ردي على الشاعر الخلوق / صقر المراقيب
((خالد بن عبيد بن معتوق ألأحمدي ))صقر المراقيب
مادمت من ربع ٍ مشاكيل وقـروم= دخيلهـم يبشـر بامـان وحميـه نشكي عليك الحال ياجيـد القـوم= رجال منصف ماتجيـب الخطيـه ياحسين دنيانا بها طبـع مشـؤم= لو سرتك يوميـن تبكيـك ميـه من عاش فيها ثم ماقال محـروم= اكذبـه لوهـو عزيـز ٍ علـيـه سبعين بالميه من الناس مضيـوم= ذولا ضحايـا ودّ بيـن البـريـه كم غربلتني من عداوات وهمـوم= وكم بيحت لي من سـدود ٍ قويـه ضاقت عليه كنهـا درب بالعـوم= ثـم كشـرت بالنيابهـا والثنيـه في درب مسبوره ومزروعه لغوّم= من ناس ردة فعل الاحسان سيـه والوقت مايبقى من الطيب معـدوم= لو كان فيه اجناس قشـران نيـه واللي يساوي صقر شيهان بالبوّم= هذي غشامة قلـب واكبـر بليـه والله يجيرك من شقا ضل يحمـوم= في يوم جمع الناس مافيـه زيـه والخط ما جالك على ضرف مختوم= في منتدى واضح بشاشـه نقيـه ((حسين شامان المعمري))
جاني وأنا أرحب بكم دايم الدوم=وايضا على قافك ندق التحيه أهلا هلا بإعداد ماشالت غيوم=فيك أنت يا خالد زبون الونيه تشكي علي الحال والحال مقسوم=وأنا لقيت الناس تمشي سويه دنياك يا خالد مقاسيم وسهوم=دربين والخيره وراهن خفيه كم لبّست عشاقها ظافي هدوم=ياسرع ماتسلب ثياب العريه ماظن تخدع مثل شرواك شغموم=والعز كنز أهل النفوس الابيه والسوق ماهو يافتى الجود محكوم=فيه الفروق اللي من أول خفيه وانته وأنا فالطيبه نفرق السوم=وزن الذهب بغرام وإلا وقيه والله مالوم اللي من الوجد ماسوم=جتني طواريقه جداد ونديه قلت اتركوا خالد ولانطري اللوم=اللوم قسم اللي يخلي خويه ولفك نجيبه لو تتقى مع الروم=خذني وانا معكم على كل هيه معنا سيوفٍ مابها حد مثلوم=وان عودت فتنه لنا المقدريه وحنا سندك إن بانت القوم للقوم=من بيننا الفزعات طبع وسجيه والله يبيحك عد ماينبت الدوم=وإعداد ماخطت حروف ابجديه |
الاخ/ حسين المعمري
صح لسانك و صح لسان الشاعر/ خالد بن معتوق الاحمدي و بيض الله وجيهكم ياشعراءنا |
صح لسانك و صح لسان الشاعر/ خالد و بيض الله وجيهكم ابيات من ذهب بدع ورد الله يعطيكما العافيه لك كل التقدير |
اقتباس:
هلا وغلا اخوي حميدان صح بدنك شاكر مرورك وجهك ابيض |
اقتباس:
هلا وغلا يا ابو عادل صح بدنك شاكر مرورك الله يعافيك |
صح لسان الشاعر خالد وله مني جزيل الشكر لانه هيض قريحة الشاعر المبدع دائما الاخ حسين الذي عرف عنه البخل الشعري
اكرر شكري للشاعر الممتع حسين على هالرد الجميل المتكامل00 تحيتي وتقديري00 بانتظار جديدك الممتع وبدون تاخير(قبل مانطلع لك بطاقه باسم بخيل الشعر)00 |
صحت السنتكم وابدانــــــــــــــــــــــــم
شعراء بكل ما تحمل الكلمه من معنـــــــــــــــــــى انتضر جديدكــــــــــــــــــــــم تحيااااااااااااااااااااتي |
صح السانك ابو شامان وصح السان ابو معتوق شعار
لاهنتم عافاكم الله |
صحت السنتكم الجميع شاعر البدع المتآلق دايم خالد بن عبيد الاحمدي
وشاعر الرد المبدع حسين المعمري لاهنتم وبيض الله وجيهكم ولكن مثل ماقال ابو سامي انتبه يابو شامان قبل الكرت الاحمر والله يحفظكم |
اقتباس:
هلا وغلا اخوي نداء والمتعه هي مرور مثلك وشرواك صح بدنك تمون على رقبه يا ابو سامي |
الساعة الآن 11:01 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir