يادار لاحلت على الناس الأقدار=يمسون في ولاية وتصبح ولاية
وبان الصحيح اللي كشف راع الأعذار=ذيب الهروج اللي أخذها هواية
أنا فديتك يا وطن عشت مدرار=وحققت للشعب الأبي كل غاية
هليت غيثك لاضمحلوْا بالأمطار=وهبيت ريحك لاسكنت كل حاية
أنت عدو الظلم يانخوة الجار=وأنت حماية من يريد الحماية
اسمك علاء بالعز مابين الأقطار=ومجدك لمنه ينشد المجد آية
رمزك علم خفاق لو صار ما صار=ما أحدٍ ينكس لك يا دار راية
تبقى في ظل أحرار من نسل الأحرار=حكام آل سعود لين النهاية
من خلفهم شعبٍ وفي جيش جرار=سم العداء لاعطوه أمر البداية
موفين عهد الله ولا سمعوا أخبار=سود القلوب أهل الحسد والوشاية
ويا دار لا تشقى بخالين الأفكار=أحرار ما نرضى علينا وصاية
نهار لاصكت على الناس بغبار=وحمي الوطيس وبان صدق الحكاية
ناطى على ظهور العداء دون مسعار=ونعلم اللي ما يعرف القراية
إنَّ رجالٍ لو تحت وابل النار=وتزلزلت بقعاء من أهل الغواية
بايعنا أبو متعب اصغار وكبار=على كتاب الله وصدق الهداية
نورد حياض الموت ونبيع الأعمار=ولا يأخذ العادي حجر من بناية
قلته وأنا (يوبي) لك العهد يادار=عهد (الحروب) اللي مناهم منايه
أموت من دونك على طيب مقدار=ولا آشوف يومٍ فيه تفرح عدايه