ملتقى قبيلة حرب الرسمي - للإطلاع فقط : الكوكب اللي خَطا يجري ... ماعاد يرجع خُطا مجراه

كانت هذه المجاراه في احدى المنتديات بين الشاعرين الكبيرين

سهير العين & عبدالله البركاتي

وأعجبتني هذه المجاراة وحبيت ان انقلها لكم

سهير العين=
سلام قبطاننا البحري=سلام عد ما خلقه الله
يامْذوّق القيل بالفكري=ومْجمل الفن في مغناه
القبطان=
يامرحبا بالذي يطري=واللي لفى حلنا حياه
تضوي في ليلي كما البدري=والليل توّه على مبداه
سهير العين=
بعد التحيه لكم دغري=ماشافت العين ماتنساه
شفت البَهَم وضعها مزري=اتقول اخوارنا محلاه
القبطان=
لاتظن ماشفت شي سحري=ولا انعكاسات من مرآه
اغراب غنى انا قُمري=وفكل ديره ترى تلقاه
سهير العين=
لاتعجل الحكم ياوكري=معروض لابدلك اقراه
جيتك وفي ساحة الحدري=اللي يشوفه محد يرضاه
القبطان=
ماللقضيه حكم حصري=واحسن من الحكْم لو تبغاه
يكفيك بس فحلها يبري=كل المواجع وكل مأساه
سهير العين=
وان قلت لك صاحب الوزري=الفحل ساس البلا مبلاه
على وزن هامل النشري=اسمه ويركب على معناه
القبطان=
ياصاح مايضرك الهذري=اعرفك بين العرب نزاه
اتقابل الشر بالهجري=وترقى على كل فم سفاه
سهير العين=
الوضع مايدور في أمري=من حالته يحزنون اعداه
يتفل عليه ولا يدري=من فاه تفله يعوّد فاه
القبطان=
من شان ماينصدر حكري=اقرارنا بسألك بالله
ذيك الرعيه التي تِمري=والراعي وش قال في مرعاه
سهير العين=
اختار صمته على الجهري=وياما ادعى علم ماقد جاه
ماعمر صمته لنا بيثري=وماعمر له شور في ملقاه
القبطان=
ياليت كان الامر يُسري=لكن وياللأسف ممداه
الكوكب اللي خَطا يجري=ماعاد يرجع خُطا مجراه