ياكثرهم .. لا قلت لك .. عرفة وجيه=وياقلهـم .. لا قلـت .. قــدر ومـعـزه
رجـلٍ .. تعـزه بعـد ماتلتقـي .. فـيـه=ورجـلٍ .. قبـل ماتلتقـي بـه .. تعـزه
ورجـلٍ .. تـرزه بالمجـالـس مبـاديـه=ورجـلٍ .. فلوسـه بالمجالـس تــرزه
ورجلٍ .. يموت ولا يجيبـون طاريـه=ورجل ٍ .. يجي طاريه في كل حزه
ورجلٍ يهزه .. بعض موقف ويشقيه=ورجلٍ .. مهوب أيّـات موقـف يهـزه
ورجلٍ .. ضعيف .. ويستفزه معاديه=ورجــلٍ .. كــلام اعــداه مايستـفـزه
ورجلٍ .. تلزه يعترف لـك .. بخافيـه=ورجلٍ .. علـى خافيـه .. محـدٍ يلـزه
ورجلٍ .. يوزونه .. ويزعل بنيخيـه=ورجلٍ .. يزعّل مـن يحـاول ، يـوزه
ورجــلٍ تـكـزه لا زم انــك تـوصـيـه=ورجـلٍ .. بليّـا مـا توصـيـه .. كــزه
مــن لا فــرش للمـرجـلـه ماتغـطـيـه=ومن لايخز .. النـاس .. محـدٍ يخـزه
ان كنت تعرفني فهي .. عرفة وجيه=مو شرط لك بالقلـب قـدر .. ومعـزه

المشاركة الأصلية كتبت بواسطة رغم الألم (المشاركة 487073) الله عليك يابو خلود .. وربي ابداع تسلم يمناك على اختيارك الراقي

المشاركة الأصلية كتبت بواسطة سلافة الحب (المشاركة 487084) ابيات راقيه تسلم ايها الراقي لا حرمنا جمال إبداعاتك :: ودي