ماني معيّن خير !! تصبح على خير=للنـوم ، ماخلقـت عيـون الذيابـه
أشـوف بعيونـي غيـوم التعابيـر=،قامت تطشطش بالمعانـي سحابـه
صبّت ، وصبّت ، ثم هبّت أعاصير=ريـح الألمـهـز القلـم للكتـابـه
شيٍ يطير ، وشـي مـاوده يطيـر=صار الورق عقب السكينـه خرابـه
حاولت أرمي هالزعل ، وامتلا البير=وبعض الزعل أحيان مـا ينحكابـه
حاولـت أدور للخطايـا معـاذيـر=وكل مافتحت الجرح ... يكبر صوابه
لا منعميت .. وقلتهـا : دون تفكيـر=الكلمـه اللـي قلتهـا .... قلتهابـه
شخصٍ بعيني غير كل البشر غيـر=دون الصداقـه كـان دم وقـرابـه
ماعاد له حشمه ، وقيمـه ، وتقديـر=من يوم كثّ بوسـط عينـي ترابـه
شيصير يعني ؟؟ لو يقولون شيصير=ماهمنـي والله ( نـبـح الكـلابـه)
هي ثقّلت على النخل وقفة الطير ؟؟=نفس السؤال الصعب يمكـن جوابـه
شيبان يومٍ طش سيفه علـى الزيـر=بالسيف نفسه سالـم الزيـر جابـه
ماظن باقي عقـب هـذي تفاسيـر=يعني قرابـه ؟ " .... أم " القرابـه

المشاركة الأصلية كتبت بواسطة صميم الذات (المشاركة 487031) رآئعه رآئعه رآئعه من أول حرف الى آخر نقلت فتألقت هي ثقّلت على النخل وقفة الطير ؟؟نفس السؤال الصعب يمكـن جوابـه شكراً لك :)

المشاركة الأصلية كتبت بواسطة حمود الغيداني (المشاركة 488197) ماني معيّن خير !! تصبح على خير=للنـوم ، ماخلقـت عيـون الذيابـه ياسلام على القصيدة وقايلها وناقلها كثير من الصور الجميله موجوده بها ولكن اعجبني هذا البيت كثير شكرا ياللهيبي صاحب الاختيار الرائع

المشاركة الأصلية كتبت بواسطة حسين مريع العبيدي (المشاركة 488678) بيض الله وجهك على نقل هالرائعة تقبل تحياتي