ملتقى قبيلة حرب الرسمي - ياللي عرضتي عنوة بدروبي 000قصيده رائعه

ياللي عرضتي عنوتن بدروبي
العيب عيبك والذنوب ذنوبي

اما تبلين الخفوق الممــحل
ولا عن العشق الموهق توبي

ياللي جمعتي فيك مالا يجمع
لاتشبحين بوجهي المشحوبي

تشتتي مثل شــــتات أمتنا
عــــقب صلاح وعــــــــمه الأيوبي

وتجمعي مثل تجمع ربعي
على الشرف والرفق والماجوبي

خلي عنبك يصير طولي وانتي
اليا أحتظنته لو سمحتي ذوبي

ذوبي ,مثل ,أحساسك ,التلقائي
لاقمت ,أغازل ,مسمعك ,بأسلوبي

تنخبوي مــــــثل قصايد غازي
وتشعبي مثــــــــــل خليل النوبي

ياليت في جوفي قلوب ٍ واجد
عشان أحبك في جميع قلوبي

نعم أحبك حــــب ماهو عادي
حب ٍ من أقصا خافقي مجذوبي

حب ٍ كثـــــر ماذقــــت وأتحملته
من سرمد ٍ في ليلي الأثيوبي

وكثر ماحــنا في العـــــرب أملنا
ولا أستـــــــفدنا غير بار ولوبي

وأكثر من أعداء النجاح الفردي
اللي على صدور الصحف قالوبي

أرجوك ياعـــــــــين العديم الصافي
لدي اليامن دعيـــــتك صوبي

لاجيت أبي أنسى مامضى وأطنش
تطري علي ذكراك يامحبوبي

نظارتك وأشيائك المركونه
وســــــــــــوارتك وألماسك المكذوبي

وكتابك اللي فهرسته عروقي
وعروقك اللي فهرست مكتوبي

الصدر بيتك والضلوع ضلوعك
نامي على جنب السعى بجنوبي

ولينقضك قلبي وحن وصوت
مغلوب وهذي حيلة المغلوبي

ملاحظة =لم اعثر على اسم شاعرها00