|
قصيدة كتبها شاب في امه المتوفيه
قصيدة كتبها شاب عمل حادث سيارة و والدته كانت معاه وكان مسرعا نتيجة هذا الحادث الوالدة توفت نتيجة الاصابات الخطيرة و هو إصابته كانت خفيفة و هذي الأبيات قالها للي يواسونه .............................................. يواسيني وانا الميت وحالي يجبر الدمعات تسيل من الذي فيني ويبكي وهو يواسيني .................................................. وانا ابكي واتنهد وارسم بالحزن لوحات يجبروني عشان امشي ورجلي ما تمشيني ................................................ قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني ............................................. وكنه حلم قدامي يقيدني من الصرخات ابي اصحى ولكني عجزت القى ال يصحيني .......................................... فداك القلب يايمه ومهما قلت من كلمات صغيره في كبر حقك بس اتمنى تعذريني .......................................... نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني .......................................ز تجول عيونهم فيني تفصل مني قياسات وتشيح وجوههم عني وكني غيرت ديني ....................................... يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني ......................................... نقص قدري بعد موتك وغابت نشوة اللذات وصار الهم عكازي اباكيه ويباكيني ........................................ عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني ...................................... يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني ....................................... يايمه ما تحملهم يقولوا فات ما قد مات تعالي غيري هالقول واطيعك باقي سنيني ........................................ واترك عادة التدخين وانفذ ما تبي بسكات واصلي الفجر في المسجد قبل منتي تصحيني .......................................... يايمه ارجعي تكفين وطفي شمعة الآهات ابيك انتي ولا غيرك على موتك تعزيني ........................................ وضميني وداويني مثل ما كانت الهقوات ما ابي احدن يواسيني ابيك انتي تواسيني .................................... دخيلك بس لا تبكي اذا شفتي بي الدمعات انا مقوى ابكيك اذا انتي تبكينيـــــــــــــــــــــــــــــــــــــــــــ |
شكرا والله يعطيك العافيه على هذا الموضوع
ورحم الله والدته واسكنه الجنه |
نسمة شوق شكراااا اختيار جميل لقصيده موثره ننتظر جديدك
|
ابيات مؤثــــــــــرة تبكي العيون دون استئذان
الله يرحم الام ويرحم حاله.... مشكورة على طرحك غاليتي... |
|
الله يرحم امه ويغفرله ويغفر لجميع موتى المسلمين
قصيدة وقصة مؤثرة مافي السرعه خير |
|
الله يرحم امه وقصيدته مؤثره جداً دليل هذا بار بامه وانه يقول انا الذي قتلت امي بسبب السرعه مشكور وتقبل مروري |
شكراعلى القصه والقصيده
|
|
الساعة الآن 04:35 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir