الصاحب اللي بالوفـا خابرينـه=رجل ٍ على الفرعات يكرب حزامه
واحنا لكربات الزمـن ذاخرينـه=هذاك ابو سامي رفيـع ٍ مقامـه
سلام يـاراع العلـوم السمينـه=ياللي بفعل الطيب كسب احترامه
في كسب عرفك لي مكاسب ثمينه=عساك دايم في طريق السلامـه
هيا استمع قصه جرت لي حزينه=قلبي ثمان سنين يشكـي هيامـه
وآقلبي اللي مهتنى مع ضنينـه=خل ٍ صفى ماطاع هرج النمامـه
هذاك خل ٍ صادق ٍ فـي حنينـه=ماكان ضني بشتكي من عدامـه
وحل الفراق اللي علينـا غبينـه=مشكاي لله مـن حيـاة الندامـه
جاب الخبر زعلان يندى جبينـه=من صدمته مسكين بردة عضامه
لحظة وداعه في مطار المدينـه=والله منساهـا ليـوم القيـامـه
اشـر بكفـه والمدامـع بعينـه=تجرح فؤاد اللي بلي في غرامـه
ولحظة صعود الطايره مع ونينه=قالت عيونه دون لسمـع كلامـه
مات الامل في رجعتـي للمدينـه=وفراقنـا باقـي ليـوم القيامـه

الصاحب اللي كلنا خابرينه=شاعر وشعره يستحق العلامه
جزيل في شعره جزيل بيمينه=لاقلت خالد ماعليه ملامه
يامرحبا برسالةٍ من يدينه=تحمل تحياته وتحمل سلامه
عسى المعرفه والعلاقه متينه=بيني وبين اهل الوفاء والكرامه
هذا وانا قريت سيرة سنينه=منذو ثمان سنين قصه غرامه
مرت ثمان سنين ياعاذلينه=راحت على خالد ماحقق مرامه
مع واحدٍ وش صار بينه وبينه=من فيهم اللي ماوفاء بالتزامه
وحان الفراق وباح خافي كنينه=وغيرقراراته ولخبط نظامه
واصبح لصكات الليالي رهينه=والله ماادري ياعرب وش علامه
وامسى حزين ارجو عسى الله يعينه=ويغير دموع الشقاء بابتسامه
ويصبر على الايام شينه وزينه=والليل لو اظلم ماطوًل ظلامه
وحمامةٍ طارت بوسط المدينه=غير الحمامه فيه مية حمامه

المشاركة الأصلية كتبت بواسطة نداء الغيداني (المشاركة 477115) قصيدة الشاعر/ خالد بن عبيد بن معتوق ألأحمدي الصاحب اللي بالوفـا خابرينـه=رجل ٍ على الفرعات يكرب حزامه واحنا لكربات الزمـن ذاخرينـه=هذاك ابو سامي رفيـع ٍ مقامـه سلام يـاراع العلـوم السمينـه=ياللي بفعل الطيب كسب احترامه في كسب عرفك لي مكاسب ثمينه=عساك دايم في طريق السلامـه هيا استمع قصه جرت لي حزينه=قلبي ثمان سنين يشكـي هيامـه وآقلبي اللي مهتنى مع ضنينـه=خل ٍ صفى ماطاع هرج النمامـه هذاك خل ٍ صادق ٍ فـي حنينـه=ماكان ضني بشتكي من عدامـه وحل الفراق اللي علينـا غبينـه=مشكاي لله مـن حيـاة الندامـه جاب الخبر زعلان يندى جبينـه=من صدمته مسكين بردة عضامه لحظة وداعه في مطار المدينـه=والله منساهـا ليـوم القيـامـه اشـر بكفـه والمدامـع بعينـه=تجرح فؤاد اللي بلي في غرامـه ولحظة صعود الطايره مع ونينه=قالت عيونه دون لسمـع كلامـه مات الامل في رجعتـي للمدينـه=وفراقنـا باقـي ليـوم القيامـه الرد.. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ الصاحب اللي كلنا خابرينه=شاعر وشعره يستحق العلامه جزيل في شعره جزيل بيمينه=لاقلت خالد ماعليه ملامه يامرحبا برسالةٍ من يدينه=تحمل تحياته وتحمل سلامه عسى المعرفه والعلاقه متينه=بيني وبين اهل الوفاء والكرامه هذا وانا قريت سيرة سنينه=منذو ثمان سنين قصه غرامه مرت ثمان سنين ياعاذلينه=راحت على خالد ماحقق مرامه مع واحدٍ وش صار بينه وبينه=من فيهم اللي ماوفاء بالتزامه وحان الفراق وباح خافي كنينه=وغيرقراراته ولخبط نظامه واصبح لصكات الليالي رهينه=والله ماادري ياعرب وش علامه امسى حزين ارجو عسى الله يعينه=ويغير دموع الشقاء بابتسامه ويصبر على الايام شينه وزينه=والليل لو اظلم ماطوًل ظلامه وحمامةٍ طارت بوسط المينه=غير الحمامه فيه مية حمامه نداء الغيداني ..