|
{..القاع الدفين..}
احبتي اقدم لكم اخر قصيده كتبتها واتمنى تعجبكم وتتحفوني بإنتقادكم لان يشهد الله مانزلتها الا لأكتسب من خبرتكم القصيده اول ماكتبتها {..القاع الدفين..}
ناس بالعليا تعلّى وناس بالقاع الدفين=وناس شيمتها تميل ياعساهم زوبعه لي صحبة بوضح النقا مابها الا تزين=وبالخفايا سباع تعوي بالقفى متجمعه مرة سنين وبييَّنة صدق النوايا هالسنين=ناس منهم غادرو وناس دوم مودَّعه وناس بقية شامخه بقولها سيف سنين=وفعلها نخوة رجال وبالنوايب تسمعه ياعسى ربي يقول وينكشف ذاك الكفين=وتنكشف كذبه تعلة وبالردا مترعرعه في قواميس الرفاقه عندهم كذّب نعين=وان بقيت بصدق وافي ياعساك بمعمعه في زمن قل الرفيق وزاد الكذب الفطين=وزادت السبع الضراوه ياعسا الله يردعه صرت ذيب مايهاب وماتهزه كل عين=مو مثل ذيب الخفايا في الظلايم مرجعه حرب عزّي وعزوتي ومايفرقنا ثمين=دام حكم الله جمعنا وشرعه الي نتبعه والله لعانق هامة ماناشها عالي جبين=وماعلي من النبيح وبالعلالي اقطعه بعد تعديل الاستاذ قابل البشري جزاه الله خير
ناس بالعليا تعلّى وناس بالقاع الدفين=وناس شيمتها تميل ياعساهم زوبعه عزمن صحبة على وضح النقا دايم تزين=وبالخفايا سباع تعوي بالقفى متجمعه بينتها بعد طول الود هاذيك السنين=ناس منهم غادرتها وناس دوب مودَّعه وناس فيها شامخه مثل الاسد وسط العرين=وفعلها نخوة رجال وبالنوايب تسمعه لويطول الوقت لازم ينكشف ذاك اللعين=وتنكشف كذبه قديمة بالردا مترعرعه في قواميس الرفاقه كل راعي كذب زين=وان بقيت بصدق وافي صرت المعمعه في زمن قل الرفيق واصبح الكاذب فطين=وزادت السبع الضراوه ياعسا الله يردعه صرت ذيب مايهاب وماتهزه كل عين=مو مثل ذيب الخفايا في الظلايم مرجعه والله لعانق هامة ماناشها عالي جبين=وماعلي من النباح ولاحسبت الجعجعة حرب عزّي وعزوتي ومايفرقنا ثمين=دام حكم الله يجمعنا وشرعه نتبعه والف شكر لأستاذي الرائع قابل البشري على تعديل القصيده بنتضار نقد الاساذته لكم ودي |
صح لسانك يامشهور
وقصيدتك بها الكثير من المعاني الجميلة 00وانا عدلت اشياء بسيطة وعلى عجل كما يقولون 00لكن جسم القصيدة ومعناها بقي كما وفيها كثير من الالتقاطات الجميلة(صرت ذيب مايهاب وماتعزه كل عين) والكثير غيرها 00 تقبل تحياتي واعجابي |
اقتباس:
الف شكر لك شاعرنا الراقي وبصراحه فخر لي تعديلك وانتقادك عسى الله يديمك لنا الف شكر لك مره ثانيه تحياتي لك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
غير البشر ماشاء الله تبارك الله اولا كلماتك في تقديم القصيده تدل على اخلاقك النبيله واصلك الطيب وقليل من يطلب النقد والتوجيه000
وللمعلوميه لايمكن ان تكون القصيده لمبتدى لانها رائعه وكانت تفتقد بعض الاكسسوارات الخفيفه00فقط0ولكن المبنى العام للقصيده قوي 00من يتمتع بهذه الصفات ويسقبل الاراء ويستفيد ممن حوله فهوشاعر ولاينقصه شى واعتقد انك لست بغريب عن الشعر ودخولك الى عالمه مع اكبر ابوابه--هذا ماعرفته وتقبل تحياتي واعجابي00 |
اقتباس:
استاذي اشكرك على مرورك وصح بدنك وبييض الله وجهك على حضورك |
استاذي
خالد اللهيبي الف شكر لك على اطراءك الكبير وكلامك المشجع وبإذن الله اكون بالمنظر المأمول والمرضي لي وللجميع وهذا ما يكون الا بنقدكم وتوجيهكم جعلكم ذخر للكل يارب اشكرك مره اخرى على اطراءك المحفز لاعدمة حضورك الراقي تحياتي لك |
قصيدهـ ذات رونق من الجماااال
رائعهـ بروعتكـ اخي غير البشر لكـ مني اجمل التحااااايااا سعدالفريدي |
صح لسانك ويعطيك العافيه |
القصيدة في مجملها قصيدة جزلة ولا تحتاج نقد وكما ذكر اخونا خالد هذه ليست قصيدة لشخص يتعلم الشعر بل قصيدة شاعر اشكرك اختي على هذا الأبداع وننتظر جديدك |
الساعة الآن 02:06 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir