بعض الغلا ياخذ له ايـام ويـروح =وبعض الغلا ياخذ له سنين مـا راح
وبعض الغلا متمكنن داخل الـروح =وبعض الغلا باقي ولو راحت ارواح
وبعض الغلا بلسم تداوى به جـروح =وبعض الغلا يقفي وتبقى له اجـراح
وبعض الغلا مايحتمل سـده يبـوح =وبعض الغلا يموت والسـد مابـاح
وبعض الغلا مثل العطر دايم يفـوح =وبعض الغلا لو تدهنه عود ما فـاح
وبعض الغلا غالي ومغليـه مذبـوح =وبعض الغلا بين المواليـف ذبـاح
وبعض الغلا لو قل تلقـاه مطـروح =وبعض الغلا لو ينقص الثلث ماطاح
وبعض الغلا يجري مع الدم بوضوح =وبعض الغلا من سرعته برق لا لاح
وبعض الغلا بين المخاليق مفضـوح =وبعض الغلا غالي وبلحيل فضـاح
وبعض الغلا بدايته هـرج ومـزوح =وبعض الغلا مايقبل انسـان مـزاح
وبعض الغلا دارن به الباب مفتـوح =وبعض الغلا لدار والبـاب مفتـاح

المشاركة الأصلية كتبت بواسطة خالداللهيبي (المشاركة 468617) صح لسانك يابخيتان البشري000 قصيده رائعه انا اقول انك تبدع فالقصيد اكثر من الكسرات000 بعض الغلا 00تحمل معنى وجزاله 000ويشرفني اكون اول من يعلق عليها ربي يوفقك 000ودائما الى الافضل وصح لسانك000000

المشاركة الأصلية كتبت بواسطة ماجد الماجد (المشاركة 468620) صح لسانك وإلى الأمام ,,,